الماتىدا «Sadu Arena» سپورت كەشەنىندە قالا اكىمدىگىنىڭ قولداۋىمەن ەرەكشە قاجەتتىلىگى بار تۇرعىندارعا ارنالعان «جىگەر» سپورت فەستيۆالى ءوتتى. بۇل تۋرالى الماتى قالاسى سپورت باسقارماسىنىڭ وكىلدەرى حابارلادى.
ءىس-شارانىڭ ماقساتى - بۇقارالىق سپورتتى دامىتۋعا قولداۋ كورسەتۋگە، ينكليۋزيا مادەنيەتىن نىعايتۋ مەن مۇمكىندىگى شەكتەۋلى جانداردى قالانىڭ بەلسەندى سپورتتىق ومىرىنە تارتۋ.
فەستيۆال اياسىندا شاعىن فۋتبول (سپ)، ارمرەستلينگ، جۇگىرۋ، ءجۇزۋ، شاحمات جانە توعىزقۇمالاق بويىنشا جارىس ءوتتى.
بيىل ءىس-شاراعا 1000-نان استام ادام قاتىستى. ولار قالانىڭ ءتۇرلى اۋدانىنان كەلگەن سپورتشىلار، سونداي-اق، قوعامدىق جانە سپورت ۇيىمدارىنىڭ وكىلدەرى دە بولدى.
««جىگەر» فەستيۆالى سپورتتا شەكارا جوق ەكەنىن، ونىڭ ادامداردى فيزيكالىق مۇمكىندىكتەرىنە قاراماستان بىرىكتىرە الاتىنىن كورسەتەدى. مۇنداي ءىس-شارالار ينكليۋزيا رۋحىن كۇشەيتىپ، ءار ادام قولداۋ مەن سەنىمدىلىكتى سەزىنەتىن ورتا قالىپتاستىرادى»، — دەدى الماتى قالاسى سپورت باسقارماسىنىڭ باسشىسى دارحان نۇرحان ۇلى.