كوشەدە ءوتىپ بارا جاتقانداردى گاز تاپانشامەن قورقىتقاندار جالعان پوليسەيلەر بولىپ شىقتى.
ولار ادامداردى گاز تاپانشامەن قورقىتىپ، اقشالارى مەن تەلەفوندارىن تارتىپ العان، دەپ حابارلايدى Almaty-akshamy.kz.
Polisia.kzء-تىڭ مالىمەتىنشە، وزدەرىن پوليسيا قىزمەتكەرى رەتىندە تانىستىرعان ەكى ازامات ءوتىپ بارا جاتقان ادامداردى توناعان.
«تەرگەۋدىڭ وسى كەزەڭىندە، كۇدىكتىلەر – 27 جاستاعى ا.ەسىمدى ازامات پەن 20 جاستاعى گ.ەسىمدى ازامات جاستاردى توقتاتىپ، وزدەرىن پوليسيا قىزمەتكەرىمىز دەپ تانىستىرعان. سودان ولارعا جالعان قىزمەتتىك كۋالىك كورسەتىپ، ەسىرتكى قىلمىسىن جاسادى دەگەن كۇدىكپەن ۇستالدى دەپ سەندىرگەنى بەلگىلى بولدى. ودان كەيىن ولار اقشا تالاپ ەتكەن، كونبەگەن جاعدايدا، گاز تاپانشاسىمەن قورقىتىپ، تەلەفوندارى مەن اقشاسىن تارتىپ العان. قازىرگى ۋاقىتتا ۇستالعانداردىڭ قالانىڭ باسقا اۋداندارىندا دا وسىعان ۇقساس قىلمىسقا قاتىسى بار-جوعىن انىقتالىپ جاتىر. ەكى كۇدىكتى دە ۋاقىتشا ۇستاۋ يزولياتورىنا قامالدى»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
سونىمەن قاتار پوليسيا ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيتىنىن ەسكە سالدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.