ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن قورعانىس مينيسترلىگىنىڭ بريفينگى الداعى «ايبىن-2024» X حالىقارالىق اسكەري-پاتريوتتىق جاستار جيىنىنا ارنالدى.
جارىستى ۇيىمداستىرۋ ەرەكشەلىكتەرى مەن «جاس سارباز» بالالار-جاسوسپىرىمدەر قوزعالىسى جۇمىسىنىڭ ناتيجەلەرى تۋرالى ب ا ق وكىلدەرىنە تاربيە جانە يدەولوگيالىق جۇمىس دەپارتامەنتىنىڭ باستىعى ادىلەت پولكوۆنيگى تىلەۋحان باسقوجايەۆ ايتىپ بەردى، دەپ حابارلايدى Almaty-akshamy.kz قورعانىس مينيسترلىگىنىڭ سايتىنا سىلتەمە جاساپ.
ول بيىلعى جيىن كەڭەس وداعىنىڭ باتىرى، حالىق قاھارمانى، تاۋەلسىز قازاقستاننىڭ تۇڭعىش قورعانىس ءمينيسترى ارميا گەنەرالى ساعادات نۇرماعامبەتوۆتىڭ 100 جىلدىعىنا ارنالىپ وتىرعانىن جەتكىزدى.
– ازەربايجان، بەلارۋس، قازاقستان، قىرعىزستان، رەسەي جانە وزبەكستان كوماندالارى قاتىساتىن جيىن قۇرلىق اسكەرلەرى اسكەري ينستيتۋتىنىڭ «ءالي» وقۋ ورتالىعى مەن جوعارى وقۋ ورنىنىڭ اۋماعىندا وتەدى، – دەدى ول.
جيىننىڭ بيىلعى باعدارلاماسىندا «جاس سارباز حاب» كوۆوركينگ-ورتالىعىنىڭ جۇمىسىن باستاۋ جانە «مىندەت»، «ابىروي»، «ەرلىك» تاقىرىپتىق سەكتورلارىنان تۇراتىن «ساعادات» ءموبيلدى ينتەراكتيۆتى-اقپاراتتىق ءمودۋلىن ىسكە قوسۋ كوزدەلىپ وتىر.
– دالالىق جاعدايدا اتى اڭىزعا اينالعان باتىر ساعادات نۇرماعامبەتوۆكە ارنالعان «حالىق جۇرەگىندەگى قاھارمان» مۇراجاي ەكسپوزيسياسى اشىلادى. بۇدان بولەك «ءبىرتۇتاس ۇلت – ءبىرتۇتاس اسكەر» كەزدەسۋىندە جاسوسپىرىمدەر قازاقستاننىڭ اسكەري وقۋ ورىندارىندا قانداي ماماندىقتارعا ءبىلىم الۋعا بولاتىنى جانە وقۋعا ءتۇسۋ شارتتارى تۋرالى اقپارات الادى، – دەپ جالعاستىردى ول.
سونداي-اق كوماندالار ءوز ەلىنىڭ مادەنيەتىن، تۇرمىسى مەن ۇلتتىق داستۇلەرىن كورسەتە الاتىن «بىرلىك ورداسى» ينتەراكتيۆتى-اقپاراتتىق ەكسپوزيسياسى ورنالاستىرىلادى.
ەتنواۋىل الاڭىندا اسىق اتۋ، بەستاس، توعىزقۇمالاق جانە باسقا دا ۇلتتىق سپورت تۇرلەرى بويىنشا جارىستار وتكىزىلمەك. سونىمەن بىرگە التىباقان مەن ساداق اتۋعا ارنالعان ارنايى جەر بولىنەدى.
پولكوۆنيك ت. باسقوجايەۆ جارىس باعدارلاماسىمەن دە تانىستىردى. وعان كەدەرگىلەر جولاعىمەن اسكەريلەندىرىلگەن ەستافەتا، «ايبىن دارىنى» زياتكەرلىك ويىنى جانە تۋعان جەر، ۇلى وتان سوعىسىنىڭ باتىرلارى مەن ساعادات نۇرماعامبەتوۆكە ارنالعان اندەر شىرقالاتىن «ايبىن جۇلدىزى» ۆوكالدىق بايقاۋى كىرەدى.
جيىننىڭ ءابسوليۋتتى جەڭىمپازى «كۇشىمىز بىرلىكتە» دالالىق-تاكتيكالىق ويىنىنىڭ ناتيجەسى ارقىلى ايقىندالادى. مۇندا باعدار بويىنشا ءجۇرۋ جانە جول بويىنداعى تاپسىرمالاردى ورىنداۋ قاراستىرىلعان. ويىنعا قاتىسۋشىلار جەر بەدەرىن باعدارلاۋ، گراناتا، پىشاق لاقتىرۋ، ءتۇرلى قارۋدان اتۋ، زارداپ شەگۋشىگە دارىگەرگە دەيىنگى كومەك كورسەتۋ داعدىلارىن كورسەتەدى. سونداي-اق بايقاۋعا قاتىسۋشىلاردىڭ قارسىلاس اۆياسياسىنىڭ شابۋىلى كەزىندەگى جانە زالالدانعان جەر ۋچاسكەسىن ءجۇرىپ ءوتۋى سەكىلدى توتەنشە جاعدايدا ارەكەت ەتۋ قابىلەتى تەكسەرىلەدى.
بريفينگ سوڭىندا ادىلەت پولكوۆنيگى تىلەۋحان باسقوجايەۆ بيىل «ايبىن» جاستار جيىنىندا 280 مىڭنان استام بالالار مەن جاسوسپىرىمدەردى بىرىكتىرەتىن، تاريحى 2015 جىلدان باستاۋ الاتىن «جاس سارباز» رەسپۋبليكالىق بالالار-جاسوسپىرىمدەر قوزعالىسى جۇمىسىنىڭ ونجىلدىق قورىتىندىسى شىعارىلاتىنىن ايتتى. مۇندا بالالار ءۇشىن «جاس سارباز» سىنىپتارىندا، Smart Sarbaz ۇيىرمەلەرىندە جانە سانى 8 مىڭعا جەتكەن اسكەري-پاتريوتتىق كلۋبتاردا وقۋعا مۇمكىندىك جاسالعان.
وسىعان دەيىنگى جيىنعا قاتىسۋشىلاردىڭ 30%-ى، ياعني ءۇش مىڭنان اسا جاس «جاس ۇلان» رەسپۋبليكالىق اسكەري مەكتەپتەرىنە، اسكەري كوللەدجدەرگە، ەلىمىزدىڭ جانە شەتەلدىڭ جوعارى اسكەري وقۋ ورىندارىنا تۇسكەن بولاتىن. مۇنى قوزعالىستى ۇيىمداستىرۋشىلار جۇمىسىنىڭ ناتيجەسى دەۋگە بولادى. وسىلايشا، جاستاردىڭ اسكەري-قولدانبالى سپورت تۇرلەرى مەن روبوتوتەحنيكاعا دەگەن قۇشتارلىعى ولاردى وتان قورعاۋشىلار قاتارىنا قوستى.