الماتنىڭ تۇركسىب اۋدانىندا «حالىق قاتىساتىن بيۋدجەت» باعدارلاماسى بويىنشا 2025 جىلى 32 جوبا ىسكە اسىرىلۋدا
2025 جىلدىڭ ماۋسىم ايىندا باۋم توعايى مەن ۇلكەن الماتى كانالىن (ۇاك) اباتتاندىرۋ بويىنشا ەكى اۋقىمدى جوبانى ىسكە اسىرۋ باستالادى. بۇل تۋرالى قالا اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا مالىمدەدى.
جالپى اۋدانى 137،7 گا باۋم توعايى سەيفۋللين مەن ءسۇيىنباي داڭعىلدارىنىڭ اراسىندا ورنالاسقان. جوبا ءۇش ايماققا ءبولۋدى كوزدەيدى: بەلسەندى، رەكرەاسيالىق جانە ەكولوگيالىق شاعىن ارحيتەكتۋرالىق نىسانداردى ورناتىلادى.
ۇاك اباتتاندىرۋ جوباسىندا رەكرەاسيالىق جانە جاعاجاي ايماقتارىن اباتتاندىرۋ جوسپارلانعان.
«بيىل اۋداندا مايلين كوشەسىنەن قالا شەكاراسىنا دەيىن، 13ء-شى اسكەري قالاشىقتا جانە مايبورودى كوشەسىندە سەيفۋللين داڭعىلىنان بايكال كوشەسىنە دەيىن «كىشى الماتى» وزەنى بويىنداعى سەرۋەندەۋ ايماقتارىن جايلاستىرۋ، سونداي - اق حمەلنيسكيي كوشەسىنىڭ بويىنداعى توعانداردى تازارتۋ بويىنشا تاعى 4 جوبا ىسكە اسىرىلا باستايدى»، - دەدى الماتى اكىمى.
بۇدان باسقا، «حالىق قاتىساتىن بيۋدجەت» (حقب) باعدارلاماسىن ىسكە اسىرۋ شەڭبەرىندە اۋداندا 2024 جىلى 52 جوبا ىسكە قوسىلدى. اعىمداعى جىلى ءساۋىر ايىنان باستاپ قوعامدىق كەڭىستىكتى اباتتاندىرۋعا، اۆتوماتتى سۋارۋدى ورناتۋعا جانە كوشەنى جارىقتاندىرۋعا بايلانىستى 32 جوبانى ىسكە اسىرۋ جۇمىستارى باستالادى.
ايتا كەتەيىك، الماتىدا حقب بويىنشا 2024 جىلى بارلىعى 364 جوبا جۇزەگە اسىرىلدى. الماتىلىقتاردان بەرىلگەن وتىنىمدەر سانى 2019 جىلمەن سالىستىرعاندا 18 ەسە ءوستى. سول كەزەڭدە تۇرعىنداردان بارلىعى 333 جوبالىق ۇسىنىس كەلىپ ءتۇستى، ال 2024 جىلى 6118 ءوتىنىم كەلىپ ءتۇستى. ونىڭ ىشىندە داۋىس بەرۋگە 1402 جوبا جانە ىسكە اسىرۋعا – 316 جوبا جىبەرىلدى.
باعدارلامانىڭ تيىمدىلىگى مەن تۇرعىنداردىڭ تارتىلۋىن ەسكەرە وتىرىپ، 2024 جىلى الماتى اكىمى ەربولات دوسايەۆ ونى قارجىلاندىرۋدى 18،8 ملرد تەڭگەگە ۇلعايتتى، بۇل 2023 جىلمەن سالىستىرعاندا 5،8 ملرد تەڭگەگە ارتىق.