الماتىدا مايلين كوشەسى مەن سەيفۋللين داڭعىلى بويىندا بيىل جىلۋ جەلىلەرى جاڭارتىلادى
تۇركسىب اۋدانىندا جىلۋ جەلىلەرىن جاڭعىرتۋ جۇمىستارى قارقىن العان. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى. ونىڭ ايتۋىنشا، اۋدانداعى جىلۋ جەلىلەرىنىڭ توزۋ دەڭگەيى شامامەن 80%، سوندىقتان ولاردى جاڭارتۋ باستى مىندەتتىڭ ءبىرى، دەپ حابارلايدى aqshamnews.kz
2024 جىلى ەكى نەگىزگى ۋچاسكەدە 2،1 كم جىلۋ جەلىسىنىڭ قايتا جاڭعىرتۋ جۇمىستارى اياقتالدى: سپاسسك كوشەسىندە (نۇرسايا كوشەسىنەن ۋريسكيي كوشەسىنە دەيىن) جانە ءسۇيىنباي كوشەسىندە (بەكماحانوۆ كوشەسىنەن گارشين كوشەسىنە دەيىن). بۇل جۇمىستار وسى اۋماقتارداعى جىلۋمەن قامتۋ سەنىمدىلىگىن ايتارلىقتاي ارتتىرىپ، جىلۋ شىعىنىن ازايتۋعا مۇمكىندىك بەردى.
2025 جىلى تاعى 8،1 كم جىلۋ جەلىلەرىن اۋقىمدى تۇردە جاڭارتۋ جوسپارلانعان. ناقتىراق ايتقاندا، جۇمىس مايلين كوشەسىندە – نامانگانسكايا كوشەسىنەن مونتاجنايا كوشەسىنە دەيىن جۇرگىزىلەدى. سونداي-اق، جاڭعىرتۋ جۇمىستارى سەيفۋللين داڭعىلى بويىندا – اقان سەرى كوشەسىنەن كوتەلنيكوۆ كوشەسىنە دەيىنگى ارالىقتى قامتيدى. جۇمىستار كەزەڭ-كەزەڭىمەن جۇرگىزىلەدى، تۇرعىندارعا قولايسىزدىقتى بارىنشا ازايتۋ قاراستىرىلعان.
ايتا كەتەيىك، جىلۋ جەلىلەرىن جاڭارتۋ الماتى قالاسىنداعى ينجەنەرلىك ينفراقۇرىلىمدى جاڭعىرتۋ بويىنشا جۇزەگە اسىرىلىپ جاتقان اۋقىمدى باعدارلامانىڭ ءبىر بولىگى.