الماتىلىق قۇتقارۋشىلار ورتەنگەن ۇيدەن 93 جاستاعى كەيۋانانى قۇتقارۋ ءساتى ءتۇسىپ قالعان ۆيدەونى جاريالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
22 جەلتوقسان ساعات 13:51 كەزىندە تۇركسىب اۋدانى باكينسكايا كوشەسىندەگى جەكە تۇرعىن ۇيدە ءورت شىققانى تۋرالى حابار تۇسكەن.
وندا جالپى اۋدانى 60 شارشى مەتر اۋماقتا جەكە تۇرعىن ءۇيدىڭ شاتىرى جانىپ جاتتى. جاقىن ماڭداعى ۇيگە دە ءقاۋىپ ءتوندى.
قۇتقارۋشىلار 4 مينۋتتا كەلدى. ولار 1929 جىلى تۋعان اجەنى ۇيدەن الىپ شىقتى.
ءورت 14:15-تە وقشاۋلانىپ، 14:27-دە ءسوندىرىلدى.
اعا ينجەنەر تۇران اسىلحان تەرەزەنى سىندىرىپ جاتقاندا، كومەككە كەلگەن بولىمشە كومانديرى سانجار تايسارييەۆ مەن ءورت ءسوندىرۋشى نۇرجان جانقورازوۆ ەسىكتەردى اشىپ، قۇلىپتالعان بولمەگە كىردى. وندا ەگدە جاستاعى ايەل بولدى.
قاريا ۇيدە نە بولىپ جاتقانىن تۇسىنبەدى.
ولار كەيۋانانى كوتەرىپ، تازا اۋاعا الىپ شىقتى. سوسىن ءارى قاراي تەكسەرۋ ءۇشىن جەدەل مەديسينالىق جاردەم بريگاداسىنا تاپسىردى.
دارىگەرلەردىڭ قاراۋىنان كەيىن 93 جاستاعى اجە تۋىستارىنا بەرىلدى. ونىڭ ءومىرى مەن دەنساۋلىعىنا ءقاۋىپ جوق.