الماتى قالاسىندا وقۋشىلاردىڭ يننوۆاسيالىق شىعارماشىلىق ورتالىعى قۇرىلۋى مۇمكىن.
بۇل تۋرالى «اشىق» نقا پورتالىندا جاريالانعان شاھار باسشىسى ەربولات دوسايەۆتىڭ ءتيىستى قاۋلىسىندا جازىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى»، «ءبىلىم تۋرالى» جانە «مەملەكەتتىك مۇلىك تۋرالى» ق ر زاڭدارىنا سايكەس، الماتى قالاسىنىڭ اكىمدىگى قاۋلى ەتەدى: الماتى قالاسى ءبىلىم باسقارماسىنىڭ «وقۋشىلاردىڭ يننوۆاسيالىق شىعارماشىلىق ورتالىعى» كوممۋنالدىق مەملەكەتتىك قازىنالىق كاسىپورنى قۇرىلسىن. كاسىپورىننىڭ قىزمەتى ءوز تابىسى جانە ق ر بيۋدجەت زاڭناماسىندا ايقىندالعان تارتىپپەن الىنعان بيۋدجەت قاراجاتى ەسەبىنەن دامۋ جوسپارىنا سايكەس قارجىلاندىرىلادى»، - دەلىنگەن قۇجاتتا.
شىعارماشىلىق ورتالىعىنىڭ قىزمەت باعىتتارى:
- ۇلتتىق جانە جالپىادامزاتتىق قۇندىلىقتار، عىلىم مەن تەحنيكا جەتىستىكتەرى نەگىزىندە جەكە تۇلعانى قالىپتاستىرۋعا، جان-جاقتى دامىتۋعا جانە كاسىبي شىڭداۋعا باعىتتالعان حالىقارالىق جانە قازاقستاندىق ستاندارتتارعا سايكەس كەلەتىن جوعارى ساپالى قوسىمشا ءبىلىم الۋ ءۇشىن قولايلى جاعدايلار جاساۋ جانە زاماناۋي تالاپتاردى قامتاماسىز ەتۋ؛
- جەكە تۇلعانىڭ شىعارماشىلىق، رۋحاني، دەنە مۇمكىندىكتەرىن دامىتۋ، ولاردىڭ قابىلەتتەرىن ىسكە اسىرۋ، دارىنىن انىقتاۋ جانە جەتىلدىرۋ؛
- ىزدەنىمپازدىق پەن شىعارماشىلىق ويلاۋدى قالىپتاستىرۋ؛
- يننوۆاسيالىق يدەيالار مەن ازىرلەمەلەردىڭ گەنەراسياسىن ىنتالاندىرۋ؛
- ءومىردىڭ ءارتۇرلى سالالارىنداعى بالالار باستامالارىن قولداۋ؛
- جاڭا تەحنولوگيالار سالاسىنداعى زەرتتەۋلەرگە قىزىعۋشىلىقتى ارتتىرۋ؛
- بالالار مەن جاستاردىڭ يننوۆاسيالىق شىعارماشىلىعىن قولداۋ، ونىڭ ىشىندە كاسىبي دايىندىق دەڭگەيىن ارتتىرۋ، ولاردى كاسىپتىك ءبىلىم بەرۋ ۇيىمدارىنا وقۋعا تۇسۋگە دايىنداۋ؛
- ادامگەرشىلىك پەن سالاۋاتتى ءومىر سالتىنىڭ بەرىك نەگىزدەرىن قالىپتاستىرۋ، دارالىقتى دامىتۋ ءۇشىن جاعداي جاساۋ ارقىلى زياتكەرلىكتى بايىتۋ؛
- ازاماتتىق پەن وتانسۇيگىشتىككە، ءوز وتانى - قازاقستان رەسپۋبليكاسىنا دەگەن سۇيىسپەنشىلىككە، مەملەكەتتىك رامىزدەر مەن مەملەكەتتىك ءتىلدى قۇرمەتتەۋگە، حالىق داستۇرلەرىن قادىرلەۋگە، كونستيتۋسياعا جانە قوعامعا قارسى كەز كەلگەن كورىنىستەرگە توزبەۋشىلىككە تاربيەلەۋ؛
- ازاماتتىق ۇستانىمى بەلسەندى جەكە تۇلعانى تاربيەلەۋ، رەسپۋبليكانىڭ ساياسي-قوعامدىق، ەكونوميكالىق جانە مادەني ومىرىنە قاتىسۋعا قاجەتتىلىكتى، تۇلعانىڭ ءوز قۇقىقتارى مەن مىندەتتەرىنە سانالى قارىم-قاتىناستى قالىپتاستىرۋ؛
- بالالار بويىندا ەكولوگيالىق مادەنيەتتى تاربيەلەۋ، ولاردى تابيعاتتى قورعاۋ ىسىنە تارتۋ؛
- بالالاردى قوعامداعى ومىرگە بەيىمدەۋ؛ مازمۇندى بوس ۋاقىتتى ۇيىمداستىرۋ؛
- ەرەكشە ءبىلىم بەرۋ قاجەتتىلىكتەرى بار بالالارمەن قىزمەتتەردى ۇيىمداستىرۋ.
قاۋلى 14 ساۋىرگە دەيىن كوپشىلىك تالقىلاۋدا بولادى.