«بالالار جىلى» اياسىندا وتكەن بايقاۋ بىرنەشە كەزەڭنەن تۇرادى
الماتى قالاسى الاتاۋ اۋدانىندا مەكتەپ وقۋشىلارىنىڭ اراسىندا روبوتوتەحنيكادان سايىس ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ماقساتى – بالالاردى جاستايىنان يننوۆاسيالىق تەحنولوگيادى مەڭگەرۋگە باۋلۋ. ءىس-شارا № 178 مامانداندىرىلعان ليسەيدە ۇيىمداستىرىلدى. «بالالار جىلى» اياسىندا وتكەن بايقاۋ بىرنەشە كەزەڭنەن تۇرادى.
«جارىس 3 كەزەڭنەن تۇرادى. مەكتەپىشىلىك كەزەڭى ءبىتىپ، ءقازىر 24 مامىرعا دەيىن اۋداندىق، 28 مامىردا قالالىق كەزەڭ ۇيىمداستىرىلادى. 1 ماۋسىمدا سايىس مارەسىنە جەتەدى»، – دەدى «الماتى دارىنى» بالالار مەن جاسوسپىرىمدەردى قولداۋ ورتالىعىنىڭ ادىسكەرى ءلاززات ءجۇمادىلوۆا.