الماتىدا كولىك ۇرىسى ۇستالدى

كۇدىكتى تەرەزەنى سىندىرۋ ارقىلى ۇرلىق جاساعان

الماتى قالالىق پوليسيا دەپارتامەنتى تۇرعىنداردىڭ كولىگىن توناۋمەن اينالىسقان ازاماتتى ۇستاعاندارىن مالىمدەدى، دەپ حابارلايدى Almaty-akshamy.kz.

 ق ر قك-نىڭ 188-بابى 3-بولىگىنىڭ 2،3-تارماعىندا (ۇرلىق، ياعني بوتەننىڭ مۇلكىن بىرنەشە رەت جاسىرىن جىمقىرۋ) كوزدەلگەن قىلمىستىق قۇقىق بۇزۋشىلىقتى جاسادى دەگەن كۇدىكپەن 2000 جىلى تۋعان م.ەسىمدى ازامات ۇستالدى.

 «كۇدىكتى تەرەزەنى سىندىرۋ ارقىلى ۇرلىق جاساعان.  ول كولىكتىڭ سالونىنان قۇندىلىعى بار زاتتىڭ بارلىعىن الىپ كەتكەن.  سوتقا دەيىنگى تەرگەۋ بارىسىندا كۇدىكتى زاڭسىز بايۋ ماقساتىندا تۇرعىن ۇيلەردىڭ اۋلالارىندا تۇرعان كولىكتەردەن ۇرلىق جاساعاندىعى انىقتالدى.  قازىرگى ۋاقىتتا تەرگەۋ جوعارىدا اتالعان ادامنىڭ التى قىلمىسقا قاتىسى بارىن انىقتادى»، - دەدى، اۋەزوۆ اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ۇلان ءابىلقايىر.

 تەرگەۋ بارىسىندا كۇدىكتى ۋاقىتشا ۇستاۋ يزولياتورىنا قامالدى.  ونىڭ جەكە باسى قالادا بۇرىن جاسالعان وسىنداي قىلمىستارعا قاتىسى بار-جوعىنا تەكسەرىلەتىن بولادى.