بيىل 747 ورىندىق جاڭا 13 بالاباقشا اشىلدى.
الماتىنىڭ مەدەۋ اۋدانىندا وقۋشى ورىندارىنىڭ تاپشىلىعىن تومەندەتۋگە كوپ كوڭىل بولىنۋدە. بۇل تۋرالى قالا اكىمى ەربولات دوسايەۆ اۋدان حالقىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.
« №48 مەكتەپتى رەكونسترۋكسيالاۋ جاعدايىن ءتۇسىندىرىپ وتەيىن. وسى جىلدىڭ قازان ايىندا مەكتەپ پايدالانۋعا بەرىلۋى كەرەك ەدى، الايدا سمەتادا قوسىمشا جۇمىستاردىڭ ەسەبى بولماعاندىقتان، جوبا قايتا تۇزەتۋگە جىبەرىلدى (جوبادا شاتىرعا ارنالعان ماتەريالدار قاراستىرىلماعان، سۋاعار جوق، سىرتقى جىلۋ تراسساسىن تارتۋ، جىلۋ مەن ىستىق سۋ بەرەتىن قازاندىقتى رەكونسترۋكسيالاۋ كوزدەلمەگەن. سونداي-اق قۇرىلىس ماتەريالدارى قىمباتتاعان). وسى قازان ايىنان بەرى قۇرىلىس-مونتاجداۋ جۇمىستارى ءجۇرىپ جاتىر، 2023 جىلدىڭ ءساۋىر ايىندا پايدالانۋعا بەرۋ جوسپارلانعان»،- دەدى ەربولات دوسايەۆ.
سونىمەن قاتار، 300 ورىندىق №131 مەكتەپتىڭ جانە 220 ورىندىق №35 مەكتەپتىڭ قوسىمشا قۇرىلىستارىن سالۋعا جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتاما 2023 جىلدىڭ IIء-شى توقسانىندا اياقتالادى.
«سونداي-اق، №131 مەكتەپتە سەيسميكالىق كۇشەيتە وتىرىپ، كۇردەلى جوندەۋ جۇمىستارى جۇرگىزىلۋدە. بۇل جۇمىستاردى 2023 جىلدىڭ III توقسانىندا اياقتاۋ جوسپارلانۋدا. كەلەسى جىلى «جانۇيا» ارنايى كەشەنى، №33 مەكتەپ-ليسەي جانە ج. جابايەۆ اتىنداعى №161 مەكتەپ-ليسەي سەكىلدى ءۇش نىساننىڭ عيماراتتارىن سەيسميكالىق كۇشەيتە وتىرىپ، جوبالاۋ-سمەتالىق قۇجاتتامانى ازىرلەۋدى اياقتاۋ جوسپارلانۋدا. جوبالاۋ-سمەتالىق قۇجاتتاما 2023 جىلى اياقتالادى. قازىرگى ۋاقىتتا №99 مەكتەپتىڭ 375 ورىندىق قوسىمشا قۇرىلىسىن رەكونسترۋكسيالاۋعا جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتاما 2023 جىلدىڭ ماۋسىم ايىندا اياقتالادى»،- دەدى دوسايەۆ.
قالا باسشىسىنىڭ ايتۋىنشا، بيىل مەدەۋ اۋدانىندا 747 ورىندىق جاڭا 13 بالاباقشا اشىلدى، ونىڭ كوبىسى - جەكە مەنشىك.
«وسى جىلى 400 ورىندىق 2 جەكە مەنشىك بالاباقشانى كوممۋنالدىق مەنشىككە قايتارۋ جۇمىستارى جۇرگىزىلدى. ونىڭ ءبىرى - «اقمارال» بالاباقشاسى (120 ورىن) بيىلعى قاراشا ايىنان بەرى جۇمىس ىستەۋدە. ەكىنشىسى - «ايگەرىم» بالاباقشاسى (280 ورىن) بويىنشا كۇردەلى جوندەۋگە جوبالاۋ-سمەتالىق قۇجاتتاما ازىرلەنۋدە، جۇمىستار 2023 جىلدىڭ ءساۋىر ايىندا اياقتالادى»، - دەدى ەربولات دوسايەۆ.
سونىمەن قاتار اكىمنىڭ ايتۋىنشا، №112 بالاباقشانى سەيسميكالىق كۇشەيتە وتىرىپ، كۇردەلى جوندەۋگە ساراپتامانىڭ قورىندىسى بار. قۇرىلىس-مونتاجداۋ جۇمىستارى 2023 جىلدىڭ ءى توقسانىندا باستالادى.