«بيىل ۇزىندىعى 27،2 شاقىرىم 28 كوشەدەگى جولدار ورتاشا جوندەۋدەن ءوتتى. سونىمەن بىرگە، ۇزىندىعى 18،1 شاقىرىم 12 كوشەگە تروتۋار سالىندى. كەلەسى جىلى ۇزىندىعى 55،5 شاقىرىم 39 كوشەدەگى جولدارعا ورتاشا جوندەۋ جۇرگىزىلىپ، ۇزىندىعى 28،5 شاقىرىم 22 كوشەگە تروتۋار سالىنادى»، – دەدى ەربولات دوسايەۆ.
جىل سوڭىنا دەيىن 20 كوشەنى جارىقتاندىرۋ اياقتالادى. مەدەۋ اۋدانىنىڭ 86 كوشەسىنە 2025 جىلدىڭ سوڭىنا دەيىن كوشە شامدارى ورناتىلادى.
9 مارشرۋتتى جاڭارتۋ ءۇشىن 101 جاڭا اۆتوبۋس ساتىپ الىندى. قازىرگى تاڭدا 4 مارشرۋتتىڭ اۆتوبۋستارى جاڭارتىلدى: №69 – 18 اۆتوبۋس، №201 – 24 اۆتوبۋس، №12 – 16 اۆتوبۋس، №71 – 10 اۆتوبۋس. جىل سوڭىنا دەيىن تاعى 5 مارشرۋتتىڭ اۆتوبۋستارى جاڭارتىلادى: №5، 5ا، 5ب، 5ۆ – 8 اۆتوبۋس جانە №205 – 25 اۆتوبۋس.
بيىل قوسىمشا №100 – 34 اۆتوبۋس مارشرۋتى ىسكە قوسىلدى. كەلەسى جىلى قالداياقوۆ كوشەسىنەن «گەولوگ» باۋ-باقشا سەرىكتەستىگىنە دەيىن 1 جاڭا مارشرۋت ىسكە قوسىلادى.