الماتىدا ونلاين تانىسۋ ارقىلى ۇيىمداستىرىلعان توناۋ وقيعاسىنا قاتىستى ءۇش كۇدىكتى – ەكى ەر ادام مەن ءبىر ايەل ۇستالدى، دەپ حابارلايدى اqshamnews.kz Polisia.kz-كە سىلتەمە بەرىپ.
المالى اۋداندىق پوليسيا باسقارماسىنىڭ مالىمەتىنشە، قالا تۇرعىنى تانىسۋ قوسىمشاسى ارقىلى ءبىر قىزبەن تانىسىپ، ونىڭ ۇيىنە بارعان. الايدا اڭگىمە بارىسىندا قىزدىڭ ەكى ەر تانىسى كەلىپ، جابىرلەنۋشىنى قورقىتىپ، ونىڭ قۇندى زاتتارىن تارتىپ العان. كەيىن كۇدىكتىلەر وقيعا ورنىنان بوي تاسالاعان.
پوليسيا جەدەل ارەكەت ەتىپ، كۇدىكتىلەردى ءىزىن سۋىتپاي ۇستاعان. ءقازىر ولار ۋاقىتشا ۇستاۋ يزولياتورىنا قامالدى. قىلمىستىق كودەكستىڭ "توناۋ" بابىمەن ءىس قوزعالدى.
المالى اۋداندىق پوليسيا باسقارماسىنىڭ باستىعى ماقسات پشان مۇنداي سحەما بۇعان دەيىن دە قالانىڭ وزگە اۋداندارىندا تىركەلگەنىن اتاپ ءوتتى. ول ازاماتتاردى ينتەرنەت ارقىلى تانىسۋ كەزىندە بارىنشا ساق بولۋعا شاقىردى:
"ازاماتتاردى ينتەرنەت ارقىلى تانىسۋ كەزىندە، اسىرەسە العاشقى كەزدەسۋلەردە، اسا مۇقيات بولۋعا شاقىرامىز"، – دەدى المالى اۋداندىق پوليسيا باسقارماسىنىڭ باستىعى ماقسات پشان.
الماتى قالالىق پوليسيا دەپارتامەنتى ازاماتتاردى قىراعى بولۋعا شاقىرادى: بەيتانىس ادامدارعا سەنبەۋ، كۇماندى مەكەنجايلارعا بارماۋ جانە جاڭا تانىستارمەن كەزدەسۋگە شىققاندا جاقىندارىنا مىندەتتى تۇردە حابارلاۋ قاجەت.