جانجالدىڭ نەدەن شىققانى ازىرگە بەلگىسىز.
الماتىدا «وليگارحتاردىڭ بالالارى» اراسىنداعى توبەلەسكە قاتىستى تەرگەۋ باستالدى. بۇل تۋرالى الماتى قالالىق پوليسيا دەپارتامەنتىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بۇعان دەيىن اقسۇيەك وتباسىنان شىققان ەكى ادامنىڭ بىر-بىرىمەن جۇدىرىقتاسىپ جاتقان ۆيدەوسى الەۋمەتتىك جەلىگە جاريالانىپ، كوپتىڭ تالقىسىنا تۇسكەن ەدى. وقيعا الماتىداعى كاراوكە-بارلاردىڭ بىرىندە بولعان. جانجالدىڭ نەدەن شىققانى ازىرگە بەلگىسىز. ءقازىر ولارعا توبەلەسكەن كەزدە العان جاراقاتى بويىنشا سوت-مەديسينالىق ساراپتاما تاعايىندالعان.
«اتالمىش دەرەك قىلمىستىق كودەكستىڭ 293-بابى 2-تارماعى بويىنشا تىركەلىپ، قازىرگى تاڭدا الماتى قالالىق پوليسيا دەپارتامەنتىنىڭ تەرگەۋ باسقارماسىنىڭ وندىرىسىندە. جانجالعا قاتىسقان بارلىق تۇلعالار انىقتالىپ، سۇراق-جاۋاپ الۋ پروسەدۋراسىنان ءوتىپ جاتىر»، – دەدى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك.