اس قورىتۋ اۋرۋلارى - الەمنىڭ بارلىق ايماقتارىنداعى دەنساۋلىق ساقتاۋدىڭ وزەكتى ماسەلەلەرىنىڭ ءبىرى.
بۇل ءولىمنىڭ جوعارى بولۋىمەن، قاتەرلى ىسىككە ءجيى شالدىعۋمەن جانە حالىق اراسىندا جوعارى تارالۋىمەن تۇسىندىرىلەدى. بۇل تۋرالى الماتى قالاسى قوعامدىق دەنساۋلىق ساقتاۋ باسقارماسىنىڭ باس شتاتتان تىس گاستروەنتەرولوگى باۋىرجان ىسقاقوۆ وكق بريفينگتە ايتتى.
جىل سايىن 29 مامىردا دۇنيەجۇزىلىك گاستروەنتەرولوگيالىق ۇيىم (دسۇ) "ءسىزدىڭ اس قورىتۋ دەنساۋلىعىڭىز: ساۋ ىشەك" تاقىرىبىنا ارنالعان دۇنيەجۇزىلىك ساۋ اس قورىتۋ كۇنى ناۋقانىن باستايدى.
قازاقستان گاستروەنتەرولوگتارىنىڭ قاۋىمداستىعى (ونىڭ قۇرامىنا الماتى قالاسىنىڭ كوپتەگەن تانىمال گاستروەنتەرولوگتارى كىرەدى) دسۇ-نىڭ بەلسەندى قاتىسۋشىسى بولىپ تابىلادى.
"قازاقستاندا جىل سايىن گاستروەنتەرولوگيانىڭ وزەكتى ماسەلەلەرىنە ارنالعان عىلىمي-پراكتيكالىق كونفەرەنسيالار وتكىزەمىز. بيىلعى جىلى ءبىز دۇنيەجۇزىلىك ساۋ اس قورىتۋ كۇنىنە قاتىسامىز"، - دەيدى مامان.
ونىڭ ايتۋىنشا، ىشەك "ەكىنشى مي" دەپ اتالادى جانە ونىڭ جۇيكە جۇيەسىمەن ءوزارا ارەكەتتەسۋى وتە ماڭىزدى.
اس قورىتۋ جۇيەسى اۋرۋلارىنىڭ ىشىندە دياگنوز قويۋ قيىن جانە ەمدەۋ قيىن بولىپ تابىلاتىنى– ىشەكتىڭ قابىنۋ اۋرۋلارى، ويىق جارالى كوليت جانە كرون اۋرۋى.
50% جاعدايدا ولار كولورەكتالدى قاتەرلى ىسىككە اينالادى.
سوڭعى جىلدارى بۇل اۋرۋلاردىڭ جيىلىگى تۇراقتى تۇردە ارتىپ كەلەدى.
تەك الماتىدا ويىق جارالى كوليتپەن اۋىراتىن 800-گە جۋىق ناۋقاس، ال كرون اۋرۋىمەن اۋىراتىن 300-گە جۋىق ناۋقاس بار.
اتالمىش اۋرۋلار ديارەيامەن، ىشەكتەن قان كەتۋمەن، سالماق جوعالتۋمەن، اقۋىزدىڭ، مايلاردىڭ، كومىرسۋلاردىڭ، مينەرالداردىڭ، دارۋمەندەردىڭ جوعالۋى سياقتى بەلگىلەرمەن سيپاتتالادى.
دياگنوستيكا گيستولوگيالىق زەرتتەۋ ءۇشىن بيپتاتتاردى قابىلداۋمەن كولونوسكوپيا جۇرگىزۋدەن تۇرادى. ىشەكتىڭ قابىنۋ اۋرۋلارىنىڭ جالپى ماركەرى-فەكالدى كالپروتەكتيندى انىقتاۋ.
اسقىنعان جاعدايدا ءىقا اۋىر اسقىنۋلارعا الىپ كەلەدى. بۇل ناۋقاستىڭ ومىرىنە ءقاۋىپتى - ىشەكتەن قان كەتۋ، پەرفوراسيا، مەگاكولون، ىشەك ستريكتۋراسى، قاتەرلى ىسىكتىڭ دەگراداسياسى سىندى اۋرۋلار تۋعىزىپ، كۇردەلى حيرۋرگيالىق ارالاسۋدى قاجەت ەتەدى.
وسى اۋرۋلاردى ۋاقتىلى دياگنوستيكالاۋ جانە ءتيىستى ەمدەۋ ارقىلى پاسيەنتتەردىڭ ءومىر ءسۇرۋ ساپاسى جاقسارادى.
اتالمىش اۋرۋلاردىڭ الدىن الۋ ءۇشىن دۇرىس تاماقتانۋ كەرەك.
باۋىرجان ىسقاقوۆ بارلىق جاسۋشالاردىڭ دەنساۋلىعى مەن قىزمەتى ءۇشىن ماڭىزدى تاعامدارعا توقتالدى: كوكونىستەر مەن جەمىستەر، ءداندى داقىلدار، بۇرشاق ونىمدەرى، ديەتالىق ەت، ساۋ مايلار (مايلار، جاڭعاقتار جانە تۇقىمدار)، جانە روبيوتيكالىق جانە پرەبيوتيكالىق تاعامدار، شوپتەر مەن دامدەۋىشتەر.
"سۇيىقتىقتى، اسىرەسە، سۋدى جەتكىلىكتى مولشەردە ءىشۋ ساۋ يممۋندىق جۇيە ءۇشىن وتە ماڭىزدى، اتاپ ايتقاندا، ىشەك قوزعالىسىن رەتتەۋ، ءىش قاتۋدىڭ الدىن الۋ جانە تاعامنىڭ قورىتىلۋىنا سەپتىگىن تيگىزەدى. كۇنىنە كەم دەگەندە 1،5 ليتر سۋ ىشۋگە تىرىسىڭىز. قانتتى سۋسىنداردى شەكتەڭىز، سەبەبى ولار ىشەكتەگى" پايدالى " باكتەريالاردى السىرەتەدى.
الكوگولدى ىشىمدىكتەر ىشەك ميكروبيوماسىنىڭ قابىنۋىنا اكەلۋى مۇمكىن"، - دەپ اياقتادى ول.