كۇدىكتى قاماۋعا الىندى.
الماتىدا ويىن كلۋبتارىنا ۇرلىققا تۇسكەن جىگىت ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءبىرقاتار ۇرلىق جاسادى دەگەن كۇدىكپەن 19 جاستاعى د. ەسىمدى ازامات ۇستالدى.
«جاس جىگىت ويىن پريستاۆكالارىمەن اينالىسقان. ول كەلۋشىنىڭ اتىن جامىلىپ، ويىن كلۋبتارىنا بارىپ جۇرگەن. وزىنە ىڭعايلى ۋاقىتتا قىزمەتكەرلەردىڭ نازارىن اۋدارىپ، سول جەردەن تەحنيكانى ۇرلاعان. كۇدىكتى قاماۋعا الىندى. ءوزىنىڭ ۇرلىققا قاتىسى بارىن جوققا شىعارمايدى. اتالعان دەرەك ق ر قك-نىڭ 188-بابى 3-بولىگىنىڭ 2-تارماعى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى. جاس جىگىتتىڭ جەكە باسى قالانىڭ باسقا اۋداندارىندا جاسالعان وسىعان ۇقساس قىلمىستارعا قاتىسى بار-جوعىنا تەكسەرىلەتىن بولادى. سونىمەن قاتار كۇدىكتى ۇرلانعان مۇلىكتى قايدا ساتقانىن انىقتايتىن بولامىز. جەدەل-تەرگەۋ شارالارى جالعاسۋدا»، - دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.