ءىس-شارا م. اۋەزوۆتىڭ 125 جىلدىعى مەن «اباي جولى» رومانىنىڭ 80 جىلدىعىنا ارنالعان
اباي اتىنداعى قازاق ۇلتتىق وپەرا جانە بالەت تەاترىندا «وي تولعاۋ» اتتى مەرەكەلىك كەش ءوتتى، دەپ حابارلايدى Almaty-akshamy.kz
Almaty.tv –گە سىلتەمە جاساپ.
اتالمىش ءىس-شارا مۇحتار اۋەزوۆتىڭ 125 جىلدىعى مەن «اباي جولى» رومانىنىڭ 80 جىلدىعىنا ارنالعان. وسى ماقساتتا اقىن سوزدەرىنە جازىلعان قازاق كومپوزيتورلارىنىڭ رومانستارى ورىندالىپ، كورەرمەن كوڭىلىنەن شىقتى. ۇيىمداستىرۋشىلار «ۇلى فيلوسوف جاساعان دۇنيەلەردىڭ بارلىعى بۇگىندە ناعىز كلاسسيكاعا اينالدى» دەيدى.
«بۇل شارا نەگىزى ۇلكەن تۋىندى دەپ ايتساق بولادى. ويتكەنى، بۇل مونو وپەرانىڭ قۇرامىندا ابايدىڭ ولەڭدەرى جانە اندەرى جيناقتالعان. بۇل ەندى ابايدىڭ فيلوسوفياسىنىڭ ءبىر سونداي ساتتەرىنىڭ كورسەتىلىمى دەپ ءوزىم سانايمىن»، – دەدى پيانيست اليار وتەتىلەۋ.