پارتيالىق جوبالار بويىنشا ناقتى جۇمىستار جۇرگىزىلۋدە.
وسىلايشا، ەسەپتى كەزەڭدە دەپۋتاتتىق فراكسيانىڭ 3 جينالىسى وتكىزىلدى، وندا Nur Otan پارتياسىنىڭ 2021–2025 جىلدارعا ارنالعان سايلاۋالدى باعدارلاماسىنىڭ الماتى قالاسى بويىنشا ورىندالۋى جونىندەگى جول كارتاسىنىڭ جوباسىن تالقىلاۋ جانە ونىڭ باعىتتارى بويىنشا فراكسيا مۇشەلەرىن بەكىتۋ، سونداي-اق 2020 جىلى جانە 2021 جىلدىڭ I جارتىجىلدىعىندا حالىققا مەملەكەتتىك قىزمەت كورسەتۋ تيىمدىلىگىن ارتتىرۋ بويىنشا جۇرگىزىلىپ جاتقان جۇمىستار تۋرالى 9 ماسەلە قارالعان، دەپ حابارلايدى Almaty-akshamy.kz.
«2021 جىلدىڭ ءى جارتىجىلدىعى ماڭىزدى قوعامدىق-ساياسي وقيعالارعا تولى بولدى. Nur Otan–نىڭ الماتى قالالىق ءماسليحاتىنداعى دەپۋتاتتىق فراكسياسىنىڭ مۇشەلەرى الماتىلىقتارمەن ءتۇرلى ستراتالارداعى كوممۋنيكاسيالاردىڭ بارلىق قۇرالدارىن – ەكسپرومت-كەزدەسۋلەر، كانۆاسسينگتەر مەن تىكەلەي ەفيرلەرگە شىعۋ جولدارىن بەلسەندى پايدالاندى. فراكسيا دەپۋتاتتارىنىڭ قاتىسۋىمەن 600 ءتۇرلى فورماتتاعى ءىس-شارالار وتكىزىلدى، بارلىعى 143 مىڭنان استام ادام قامتىلدى. ءبىز وسى باعىتتاعى جۇمىستى كۇشەيتەمىز»، - دەپ تۇيىندەدى الماتى قالالىق ءماسليحاتى جانىنداعى Nur Otan فراكسياسىنىڭ جەتەكشىسى ءلاززات يبراگيموۆا.
تاۋەلسىزدىكتىڭ 30 جىلدىعىنا ارنالعان «30 يگى ءىس» اكسياسى اياسىندا الماتىدا 250-دەن استام وتباسى كومەك الدى. قالانىڭ 700 سوعىس ارداگەرىنە سىيلىقتار بەرىلدى.
فراكسيا جەتەكشىسىنىڭ ايتۋىنشا، پارتيالىق جوبالار بويىنشا ناقتى جۇمىستار جۇرگىزىلۋدە. مىسالى، «حالىققا كومەك» پارتيالىق جوباسى اياسىندا جىل باسىنان بەرى 2000-عا جۋىق ءوتىنىش وڭ شەشىمىن تاپتى.
فراكسيا مۇشەلەرى ب ا ق پەن الەۋمەتتىك جەلىلەردە حالىق كوتەرگەن رەزونانستىق ماسەلەلەردى تۇراقتى تۇردە قاراستىراتىنىن اتاپ وتكەن ءجون. جالپى، پارتيالىق باقىلاۋ كوميسسياسى وسىنداي 17-دەن استام ماسەلەنى قاراپ، جەدەل شەشتى. ەڭبەك ۇجىمدارىمەن، تۇرعىندار قاۋىمداستىقتارىمەن15 كەزدەسۋ، 300-دەن استام كوشپەلى وتىرىستار مەن رەيدتەر وتكىزىلدى.
پارتيانىڭ الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشييەۆ Nur Otan بيلىك پەن قوعام اراسىندا وزىندىك كوپىر قىزمەتىن اتقاراتىنىن، مەگاپوليس تۇرعىندارىنىڭ ۇسىنىستارى مەن تىلەكتەرىنىڭ ماڭىزدىلىعىن اتاپ ءوتتى.
«ازاماتتاردى قابىلداۋ – بۇل ولاردىڭ مۇقتاجدىقتارىنا، پروبلەمالارىنا، الاڭداۋشىلىقتارىنا نازار اۋدارۋ. نۇروتاندىق دەپۋتاتتار قالالىق، اۋداندىق فيليالداردىڭ قوعامدىق قابىلداۋ بولمەلەرىندە ازاماتتاردى قابىلداۋدى بەلسەندى جۇرگىزۋدە. بۇگىن پارتيانىڭ ارقاسىندا 300-دەن استام الماتىلىق ءوز ماسەلەلەرىن شەشتى. ءبىز قالا تۇرعىندارىنىڭ قانداي دا ءبىر ماسەلەلەرىن شەشۋدىڭ ناتيجەلىلىگىن ارتتىرۋعا نيەتتىمىز»، - دەپ اتاپ ءوتتى مەيىرجان وتىنشييەۆ.
