"قازگيدرومەتتىڭ" بولجامىنا سايكەس، الماتى قالاسىندا 16 مامىردىڭ كەشىنەن باستاپ كەي جەرلەردە 20 مم-گە دەيىن نوسەر جاڭبىر جاۋادى، دەپ حابارلايدى Almaty-akshamy.kz
جاۋىن-شاشىن كەزىندە سۋ باسۋدىڭ الدىن الۋ ءۇشىن موتوپومپالارمەن جانە شانس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلاتىن بولادى. 2،3 مىڭ قاپ قۇم دايىندالدى. قاجەت بولعان جاعدايدا جۇمىسشىلار مەن ارنايى تەحنيكانىڭ سانى ۇلعايادى. اۋداندىق اكىمدىكتەردە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلادى.
بۇگىنگى تاڭدا كوممۋنالدىق قىزمەتتەردىڭ كۇشىمەن ارىق جەلىلەرىن، ارىق وتكەلدەرىن جانە كەزدەيسوق قوقىستار جينالعان جەرلەردى تازارتۋ جۇمىستارى جۇرگىزىلدى. 15 مامىرداعى جاعداي بويىنشا شامامەن 865 توننا قوقىس، سمەتا جانە لاي سىرتقا شىعارىلدى. بارلىق ارىق جەلىلەرى تازارتىلدى.
"اۋا-رايىنىڭ ناشارلاۋىنا بايلانىستى قالا تۇرعىندارى مەن قوناقتارىنا تاۋعا بارۋدان باس تارتۋ ەسكەرتىلەدى. جۇرگىزۋشىلەرگە اعاشتاردىڭ قۇلاۋ ءقاۋپى مەن ەلەكتر جەلىلەرىنىڭ ۇزىلۋىنە بايلانىستى كولىكتەردى جول جيەكتەرىنە قويماۋعا كەڭەس بەرىلەدى"دەلىنگەن الماتىنىڭ كوممۋنالدىق ينفراقۇرىلىمدى دامىتۋ باسقارماسى تاراتقان اقپاراتتا.
سۋ باسىپ قالۋدى بولدىرماۋ ءۇشىن قالا تۇرعىندارىنان ارىقتارعا، نوسەر اعىندارى مەن كانالدارعا قوقىس تاستاماۋدى سۇرايمىز. ءتارتىپ بۇزۋشىلار ق ر اقبتك-نىڭ 505-بابى بويىنشا "قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق ينفراقۇرىلىم وبەكتىلەرىن بۇزۋ، قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ" بويىنشا اكىمشىلىك جاۋاپكەرشىلىككە تارتىلاتىن بولادى.