الماتىدا نوسەر جاڭبىر كەزىندە سۋ باسۋدى بولدىرماۋ ءۇشىن 465 بىرلىك ارنايى تەحنيكا مەن 820 جۇمىسشى جۇمىلدىرىلادى، دەپ حابارلايدى almaty-akshamy.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
9 ساۋىردە ساعات 14.00-دەن كەيىن الماتى قالاسىندا جاڭبىر جاۋادى دەپ كۇتىلۋدە، ساعات 16.00-دەن 20:00-گە دەيىن جاۋىن-شاشىن بولجانىپ وتىر. بيىكتىگى 15 مم-گە دەيىن جەتەدى.
320 جۇمىسشى مەن 96 بىرلىك ارنايى تەحنيكانىڭ كۇشىمەن سۋدىڭ كەدەرگىسىز ءوتۋىن قامتاماسىز ەتۋ ماقساتىندا ارىق جەلىلەرىن، ارىق وتكەلدەرىن جانە قوقىسقا ارنالعان "ويىق جەرگە" تازالاۋ جۇمىستارى جۇرگىزىلۋدە.
جاۋىن-شاشىن كەزىندە سۋ باسۋدىڭ الدىن الۋ جانە پروبلەمالىق ۋچاسكەلەردە سۋدىڭ كەدەرگىسىز ءوتۋىن قامتاماسىز ەتۋ ءۇشىن شانس قۇرالىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلاتىن بولادى. 2 مىڭنان استام قاپ قۇم دايىندالدى. كۇندىز 465 بىرلىك ارنايى تەحنيكا، 29 موتوپومپالار جانە 820 جول جۇمىسشىلارى جۇمىلدىرىلادى.
اۋا-رايىنىڭ بۇزىلۋىنا بايلانىستى جۇرگىزۋشىلەرگە اعاشتاردىڭ قۇلاۋ جانە ەلەكتر جەلىلەرىنىڭ ءۇزىلۋ قاۋپىنە بايلانىستى اۆتوكولىكتى جول جيەگىنە قويماۋعا كەڭەس بەرەمىز. سۋ تاسقىنىنىڭ الدىن الۋ ءۇشىن قالا تۇرعىندارىنان ارىق پەن كانالدى قوقىسقا تولتىرىپ، بىتەپ تاستاماۋدى سۇرايمىز. قانداي دا ءبىر اۋماقتى سۋ باسسا، جەدەل شارا قولدانۋ ءۇشىن اۋدان اكىمدىكتەرىنە جۇگىنۋگە نەمەسە +7 706 689 8898 What’s app نومىرىنە حابارلاما جازۋعا بولادى.
«قازگيدرومەت» رمك بولجامى بويىنشا ەرتەڭ جاڭبىر جاۋادى، كۇندىز اۋا تەمپەراتۋراسى +17...+19°س.