الماتى قالاسىندا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا ۆولەيبولدان چەمپيونات ءوتتى، دەپ حابارلايدى almaty-akshamy.kz.
سالاۋاتتى ءومىر سالتىن ناسيحاتتاعان سپورتتىق اتالمىش شاراعا بازاردان، ساۋدا ورتالىقتارىندا جۇمىس ىستەيتىن جانە جۇمىسسىز جۇرگەن جاستاردان قۇرالعان 16 كوماندا قاتىستى.
بۇعان دەيىن «دۇيسەنبىلىك سپورت» جوباسى اياسىندا الماتى قالاسى بازار جاستارىنىڭاراسىندا شاعىن فۋتبولدان تۋرنير وتكەن بولاتىن.
الماتى قلاسىنىڭ NEET ساناتىنداعى جاستارعا ەرەكشە دەن قويىلىپ، سپورتقا دەگەن قىزىعۋشىلىعىن ارتتىرۋ ماقساتىندا وسى شاراعا قاتىسقانىمىزعا قۋانىشتىمىز! وسى ءوزىمىز ءومىر ءسۇرىپ وتىرعان، الاتاۋدىڭ باۋرايىنان ورىن تەپكەن الماتى قالاسىنداعى قانشاما جاڭا جاس سپورتشىلارمەن جانە جاستارمەن تاجىريبە الماسۋعا سەپتىگىن تيگىزگەن وسىنداي يگى ءىس-شارالار كەڭەيتىلگەن كولەمدە جالعاسىن تاۋىپ، ءجيى ۇيىمداستىرىلسا» دەگەن پىكىرىن قوسقاندى ءجون كوردىك،- دەيدى «قازىنا» بازارىنىڭ كاپيتانى تۋتقابەك باۋىرجان.
جىل سايىن داستۇرگە اينالعان «دۇيسەنبىلىك سپورت» جوباسىن الماتى قالاسى جاستار ساياساتى باسقارماسى ۇيىمداستىرادى. ونى ۇيىمداستىرۋ بيىل بايقاۋ قۇجاتتارىنا سايكەس «Social project management» ورتالىعى» قوعامدىق قورىنا جۇكتەلدى.
چەمپيونات ەكى سپورت زالدا قاتار ءوتتى.
«قىرعاۋىلدى»، «باقوردا»، «ارعىماق»، «ارعىماق1»، «التىنوردا»، «باقوردا» ت.ب ساۋدا ورتالىقتارىندا جۇمىس ىستەيتىن جاستاردان سونىمەن قاتار NEET ساناتىنداعى «VKM»، «بەلگىباي»، «وتاۋ-قۇرمەت» ياعني جۇمىسسىز جاستاردان جۇرگەن قۇرالعان 16 كوماندا قاتىستى.
العاشقى ىرىكتەۋ كەزىندە 16 كوماندا ەكى توپقا ءبولىنىپ، ءوزارا ىرىكتەۋ ويىندارىن وتكىزدى. كوماندالار كەرەمەت ويىن ورنەگىن كورسەتۋگە تىرىسىپ-اق باقتى. شيرەك فينال مەن جارتىلاي فينالدىق سايىسقا سۇرىنبەي جەتكەن كوماندالار اراسىنداعى ويىن تارتىستى ءوتتى.
«بەلگىباي» مەن «ارعىماق» كوماندالارى التىن مەدال مەن كۋبوك ءۇشىن جان الىسىپ جان بەرىستى. فينالدىق باسەكەدەگى ەكى كوماندانىڭ شابۋىلشىلارى بار ءايلا-تاسىلىن قولدانىپ-اق باقتى. دەگەنمەن 2:0 ەسەبىمەن «بەلگىباي» كومانداسىنىڭ جىگىتتەر باسىم ءتۇسىپ، التىندى ءوز قانجىعاسىنا بايلادى.
الا دوپتى الاقاندا اينالدىرىپ، بايراقتى باسەكەدە ب ا ق سىناعان كوماندالار اراسىندا«بەلگىباي» كومانداسى، «دۇيسەنبىلىك سپورت» جوباسى اياسىندا وتكەن ۆولەيبول چەمپيوناتىنىڭجەڭىمپازى اتانىپ، كۋبوكتى يەلەندى.
ءوزارا ب ا ق سىناسقان قۇراما كوماندالار جارىسى جوعارى دەڭگەيدە ءوتتى.
چەمپيونات قورتىندىسى بويىنشا ءبىرىنشى ورىن العان «بەلگىباي» كومانداسىنا 250 مىڭ تەڭگەنىڭ، ەكىنشى ورىن العان «ارعىماق» كومانداسىنا 150 مىڭ تەڭگەنىڭ، ءۇشىنشى ورىن العان ەكى كوماندا «وتاۋ-قۇرمەت» پەن «VKM» كوماندالارىنا 50 مىڭ تەڭگەنىڭ سەرتيفيكاتتارى تابىس ەتىلدى.