الماتىدا جۇك كولىگى اۋدارىلدى

مەدەۋ اۋدانىنىڭ تاۋلى اۋماعىندا توپىراق تيەگەن كاماز جولدان شىعىپ كەتىپ، جارعا قۇلادى، دەپ حابارلايدى اlmaty-akshamy.kz.

توپىراق تيەگەن كاماز 8 ماۋسىمدا، سەنبىدە تاۋدان ءتۇسىپ كەلە جاتقان جولدا اپاتقا ۇشىراعان. 

تاۋدا ءتۇسىپ كەلە جاتقان كوپ توننالى كولىك قانداي جاعدايدا جارعا قاراي قۇلاپ، ودان ءارى دومالاپ بەتون قورشاۋلارعا سوقتىعىسقانى ازىرگە بەلگىسىز. اۋدارىلۋ كەزىندە كولىككە سالىنعان توپىراق تولىعىمەن شاشىلىپ قالعان.

كاماز قۇلاۋ كەزىندە جولىنداعى قۋاتتى ەلەكتر باعانىن قيراتىپ، تەرەڭدىگى شامامەن 20 مەتر بولاتىن جارعا قۇلاعان. جاردىڭ تومەنگى جاعىندا وزەن اعىپ جاتىر.

كولىك اپاتىنان جۇرگىزۋشى ءدىن امان. 

وقيعا ورنىنا كەلگەن دارىگەرلەر بريگاداسى زارداپ شەككەن ادامنىڭ اياعىنىڭ سىنعانىن تىركەپ، جاقىن ماڭداعى ەمدەۋ مەكەمەسىنە جەتكىزىلدى.

وقيعا ورنىندا جول پوليسياسىنىڭ قىزمەتكەرلەرى جۇمىس ىستەپ جاتىر، ولار وقيعانىڭ ءمان-جايىن انىقتايتىن بولادى.

سونىمەن قاتار، ەلەكتر جەلىلەرىن قالپىنا كەلتىرۋ ءۇشىن ماماندار وقيعا ورنىنا شۇعىل جەتتى.

ماماندار باعان قۇلاعانىمەن سىم جەلىلەرىنىڭ ۇزىلمەگەنىن ناقتىلادى. باعانداعى شام مەن وعان قوسىلعان ينتەرنەت جەلىسى ۇزىلگەن. ءقازىر ماماندار وقيعا سالدارىنان قۇلاعان باعاندى قالپىنا كەلتىرىپ، شىعىن كولەمىن ەسەپتەۋدە.