نەگىزگى كونسەرتتىك باعدارلامانىڭ پرولوگى ناۋرىز شەرۋى بولدى.
ناۋرىزدى جالپىحالىقتىق مەرەكەلەۋ الماتىدا ءوتىپ جاتىر. استانا الاڭىنداعى مەرەكەلىك ءىس-شارالار باعدارلاماسىن 21 ناۋرىزدا «ناۋرىز دۋمان» كونسەرتى اشتى، دەپ حابارلايدى اlmaty-akshamy.kz.
كورەرمەندەرگە ناۋرىز مەرەكەسى قارساڭىندا كورەرمەندەردى اۋىلعا اپاراتىن قازاقستاننىڭ وتباسىلىق جانە حالىقتىق داستۇرلەرى تۋرالى تەاترلاندىرىلعان مۋزىكالىق بايانداۋ ۇسىنىلدى.
مەرەكەلىك ءىس-شاراعا قالا اكىمى ەربولات دوسايەۆ، ءارتىس، قازاقستاننىڭ ەڭبەك ەرى ءاسانالى ءاشىموۆ، جازۋشى دۋلات يسابەكوۆ، قوردىڭ مەملەكەتتىك ءتىلدى دامىتۋ جونىندەگى قامقورشىلىق كەڭەسىنىڭ مۇشەسى اسىلى وسمان، قالانىڭ قوعامدىق كەڭەسىنىڭ باسشىلىعى، ءدىني قىزمەتكەرلەر، باسقا دا قوعام،ساياسي جانە مادەنيەت قايراتكەرلەرى قاتىستى.
كونسەرتتىك باعدارلامانى «سەنىم» بالالار ءانسامبلى، ماقپال ءجۇنىسوۆا، قايرات نۇرتاس، تورەعالي تورەالى، «دوس-مۇقاسان»، «Ringو»، «جىگىتتەر»، «الاش ۇلى» توپتارى جانە ت.ب. جالعاستىردى. سونداي-اق، بۇل كۇنى ساحنادا «سالتانات»، «جورعا»، «سارمات»، «اسىلىم» بي ۇجىمدارى، سونداي-اق «Blockbuster» شوۋ-بالەتى ونەر كورسەتتى.
ناۋرىز مەرەكەسىمەن تمد ەلدەرىنىڭ ارتىستەرى دە قۇتتىقتايدى: Turkvizyon-2015 حالىقارالىق مۋزىكالىق بايقاۋىنىڭ جەڭىمپازى، قىرعىز ءانشىسى جيدەش يديريسوۆا، وزبەكستاننىڭ تانىمال ءارتىسى - Rayhon جانە «Sabو» بي ۇجىمى، «سازگەن سازى» فولكلورلىق-ەتنوگرافيالىق ءانسامبلى جانە سونداي-اق عالىم وسپانوۆ پەن اينۇر احمەتجانوۆانىڭ فولكلورلىق ەتنوگرافيالىق ۇجىمى. ءىس-شارا ساعات 22.00-گە دەيىن جالعاسادى.
نەگىزگى كونسەرتتىك باعدارلامانىڭ پرولوگى ناۋرىز شەرۋى بولدى – الماتىنىڭ ورتالىق كوشەلەرىندە ەپوستار، اڭىزدار مەن ەرتەگىلەردىڭ كەيىپكەرلەرى ءجۇرىپ ءوتتى. مەرەكەلىك شەرۋگە بارلىعى 500 ادام قاتىستى، ولاردىڭ اراسىندا قازاقستان حالقى اسسامبلەياسىنىڭ وكىلدەرى، قازاق مەملەكەتتىك سيركىنىڭ ارتىستەرى، تەاتر اكتەرلەرى، بي ۇجىمدارى بار. شەرۋگە بارلىق نيەت بىلدىرگەن قالا تۇرعىندارى قوسىلدى.
22 ناۋرىز كۇنى ساعات 17:00-دە «استانا» الاڭىندا جاس ورىنداۋشىلاردىڭ قاتىسۋىمەن Zhuldyzdy Almaty كونسەرتى وتەدى.
23 ناۋرىزعا دەيىن پانفيلوۆ پەن جىبەك جولى جاياۋ جۇرگىنشىلەر كوشەلەرىندە «ناۋرىز Fest» فەستيۆالى وتەدى، ونىڭ اياسىندا سۋرەتشىلەر مەن قولونەرشىلەردىڭ 50-دەن استام كورمەلەرى مەن جارمەڭكەلەرى وتەدى. ولاردى كورۋگە كەلگەندەرگە كىلەم توقۋ، جىبەك جانە كەراميكا كەسكىندەمە، اسىل تاستاردى كەسۋ، بىلعارى، اعاش، شىنى جانە سازبەن جۇمىس ىستەۋ تەحنولوگيالارىمەن تانىسۋعا مۇمكىندىك الادى.
ءىس-شارا اياسىندا انيماتورلاردىڭ قويىلىمدارى، حالىق كاراوكە، بي فلەشموبى، كونكۋرستار، ەسترادا جۇلدىزدارىنىڭ قاتىسۋىمەن جاندى مۋزىكا، سىيلىقتار ۇتىس ويىندارى جانە باسقا دا ءىس-شارالار جوسپارلانعان.
مەرەكەنىڭ جاس قوناقتارى ءۇشىن پانفيلوۆ كوشەسىندەگى بالالار الاڭىندا انيماتورلار، سيرك ارتىستەرى، قۋىرشاق تەاترى، مۇرات مۋتۋرگانوۆ شوۋى، حالىق ەرتەگىلەرىنەن شىققان انيماتورلىق قۋىرشاق كەيىپكەرلەردىڭ قويىلىمدارى جوسپارلانعان. مۇندا ويىن فيگۋرالارى ورناتىلىپ، تانىمدىق باعدارلامالار، وتباسىلىق جانە بالالار ويىندارى-ەستافەتالار وتكىزىلەدى.
تولە بي كوشەسىنىڭ بويىندا پانفيلوۆ كوشەسىنەن نازاربايەۆ داڭعىلىنا دەيىن «اسىق اتۋ»، «جامبى اتۋ»، «ارقان تارتۋ»، «قول كۇرەس»، «قازاقشا كۇرەس»، «كوكپار تارتۋ»، «توعىز قۇمالاق» سپورتتىق-ويىن-ساۋىق ۇلتتىق جارىستارى وتكىزىلەتىن سپورت ايماعى ورنالاسقان.
ءداستۇر بويىنشا مەرەكەلىك ءىس-شارالار كەزىندە قالا تۇرعىندارى مەن قوناقتارىنا ناۋرىز كوجە مەن باۋىرساق تاعامدارى ۇسىنىلادى.
«الاتاۋ» ءداستۇرلى ونەر تەاترىنىڭ اۋماعىندا 23 ناۋرىزعا دەيىن ارتىستەردىڭ ونەر كورسەتۋى ءۇشىن ساحناسى بار ەتنوقالاشىق اشىلادى. وندا قولونەرشىلەردىڭ كورمەلەرى، كارتينالار، شەبەرلىك سىنىپتارى، فلەشموبتار، قۋىرشاق شەرۋى، سپورتتىق جارىستار وتەدى.
مەرەكەلىك ءىس-شارالار ءبىر ۋاقىتتا قالانىڭ التى اۋدانىندا وتەدى. الاتاۋ جانە ناۋرىزباي اۋداندارىندا ناۋرىز مەرەكەسى 22 ناۋرىزدا وتەدى.