بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا «ناركوستوپ» جوباسىن جانە جاستار ساياساتى باسقارماسىنىڭ جۇمىسىن ىسكە اسىرۋ قورىتىندىلارىنا ارنالعان بريفينگ ءوتتى، دەپ حابارلايدى aqshamnews.kz
الماتى قالاسى جاستار ساياساتى باسقارماسىنىڭ جاستاردى الەۋمەتتەندىرۋ جانە جاستار باستامالارىن قولداۋ ءبولىمىنىڭ باسشىسى نۋرسۋلتان بەككايروۆ 2024 جىلى «ناركوستوپ» جوباسى جاستاردىڭ بەلسەندى قاتىسۋى مەن سەرىكتەستەردىڭ قولداۋىنىڭ ارقاسىندا ايتارلىقتاي ناتيجەلەرگە قول جەتكىزگەنىن اتاپ ءوتتى. نەگىزگى جەتىستىكتەردىڭ قاتارىندا تومەندەگىدەي ءىس-شارالار اتقارىلدى:
• 150-دەن استام ءىس-شارا وتكىزىلدى؛
• ەسىرتكىنى جارنامالايتىن 110 000-نان استام گراففيتي بويالدى.
«بۇل ءبىلىم بەرۋ مەكەمەلەرىمەن، قۇقىق قورعاۋ ورگاندارىمەن جانە مەديسينالىق ۇيىمدارمەن تىعىز جۇمىس جاساۋ ارقىلى مۇمكىن بولدى. جوبا ناشاقورلىقتىڭ الدىن الۋدى عانا ەمەس، جاستاردى الەۋمەتتىك ماڭىزدى قىزمەتكە تارتۋدى دا قامتيدى. ءبىز 3000-نان استام كيبەرۆولونتەرلەردىڭ ەسىرتكىگە قاتىستى زاڭسىز مازمۇنمەن كۇرەسۋگە كومەكتەسەتىنىن ماقتان تۇتامىز. بۇل جاس ۇرپاقتىڭ قوعامداعى وزگەرىستەرگە قالاي اسەر ەتەتىندىگىنىڭ مىسالى»، - دەپ اتاپ ءوتتى بەكقايروۆ.
«ناركوستوپ» جوباسىنىڭ كۋراتورى نۋرجان جاكۋپوۆ جوبا ءىس-شارالارىن ىسكە اسىرۋدا جۇيەلى كوزقاراستىڭ ماڭىزدىلىعىن اتاپ ءوتتى.
«ناركوستوپ» جوباسىمەن بىرلەسىپ جۇمىس ىستەۋ زاڭسىز كونتەنتتى ءتيىمدى انىقتاۋعا جانە بۇعاتتاۋعا مۇمكىندىك بەرەدى. جاستار بىزگە بەلسەندى تۇردە كومەكتەسەدى جانە بۇل ناقتى ناتيجە بەرەدى. جوبا ايتارلىقتاي ناتيجەلەرگە قول جەتكىزدى:جاستار مەن اتا-انالاردىڭ ناشاقورلىق ماسەلەسى تۋرالى حاباردارلىعىن ارتتىرۋ، تاۋەكەل توبىنداعى جاسوسپىرىمدەردى قولداۋ جانە ولاردىڭ ءومىرىن وزگەرتۋگە كومەكتەسۋ، ەسىرتكىنى ناسيحاتتايتىن 60 000-نان استام گراففيتيدى جويۋ جانە 350 ينتەرنەت-رەسۋرستاردى بۇعاتتاۋ، وتباسىلىق فاكتورلار مەن الەۋمەتتەنۋگە كوبىرەك كوڭىل ءبولۋ - بۇل اتا-انالار مەن پەداگوگتەرگە بالالارىن جاقسى تۇسىنۋگە جانە قولداۋ ورتاسىن قۇرۋ ءۇشىن شارالار قابىلداۋعا كومەگى ءتيدى»، - دەدى ن. جاكۋپوۆ.
سپيكەرلەر الداعى جوسپارلارىمەن دە ءبولىستى. اتا-انالارعا بالالارمەن قارىم-قاتىناس جاساۋ داعدىلارىن ۇيرەتۋگە جانە تاۋەلدىلىكتىڭ الدىن الۋعا باعىتتالعان «سانالى اتا-انا» جاڭا جوباسىن ىسكە قوسۋدى قوسا العاندا، وتباسىلىق قۇندىلىقتار مەن الدىن الۋدىڭ الەۋمەتتىك اسپەكتىلەرىنە ەرەكشە نازار اۋدارىلاتىن بولادى.
«ءبىز «ناركوستوپ» جوباسى الماتى قالاسىنىڭ جاستارى ءۇشىن ءقاۋىپسىز بولاشاقتى قامتاماسىز ەتە وتىرىپ، ءوسىپ، دامي بەرەتىنىنە سەنىمدىمىز»، - دەپ اتاپ ءوتتى بريفينگكە قاتىسۋشىلار.