الماتى قالاسىنىڭ المالى اۋدانىندا تۇرعىنداردىڭ وتىنىشىمەن جۇزەگە اسىرىلعان جوبالارعا ارنالعان باسپا ءسوز تۋرى ءوتتى، دەپ حابارلايدى aqshamnews.kz
پانفيلوۆ كوشەسى جاڭعىرتىلدى
العاشقى نىسان – قالانىڭ نەگىزگى جاياۋ جۇرگىنشىلەر كوشەلەرىنىڭ ءبىرى پانفيلوۆ كوشەسى بولدى. كۇن سايىن بۇل كوشەدەن 10-15 مىڭ ادام وتەدى، دەمالىس جانە مەرەكە كۇندەرى بۇل كورسەتكىش بىرنەشە ەسەگە ارتادى. اۋدان اكىمى ارمان ءشامشيننىڭ ايتۋىنشا، كوشەنىڭ جوعارى جۇكتەمەسى جانە تاۋار جەتكىزەتىن اۆتوكولىكتەردىڭ كوپتىگى جول توسەمىنە جانە دەكوراتيۆتى ەلەمەنتتەرگە ۇلكەن سالماق تۇسىرەدى. وسىعان بايلانىستى تۇرعىندار كوشەنى جاڭارتۋدى سۇراعان.
2017 جىلدان بەرى العاش رەت كوشەنى جوندەۋ تۋرالى شەشىم قابىلدانىپ، قىركۇيەك ايىندا باستالعان جۇمىستار اياسىندا:
- 2 مىڭ شارشى مەتر كەسپە تاس جاڭارتىلدى،
- 130 جاڭا ورىندىق جانە 2 بالالار الاڭى ورناتىلدى،
- سۋبۇرقاق جوندەلدى،
- جاسىل ايماق 20%-عا كەڭەيتىلىپ، جاڭا بۇتالار وتىرعىزىلدى.
سونداي-اق قولونەرشىلەرگە ارنالعان ءمودۋلدى ۇيلەر، ستاسيونارلىق پوليسيا بەكەتى جانە زاماناۋي «ساپار ورتالىعى» ورناتىلدى. تۇرعىندار جاڭارتىلعان كوشەنىڭ قولايلىلىعىن جوعارى باعالادى.
№136 مەكتەپتەگى كۇردەلى جوندەۋ
كەلەسى نىسان – №136 جالپى ءبىلىم بەرەتىن مەكتەپ. مۇندا 35 جىلدان بەرى العاش رەت سەيسميكالىق نىعايتۋ ارقىلى كۇردەلى جوندەۋ جۇمىستارى جۇرگىزىلدى:
- روبوتوتەحنيكا، حيميا، بيولوگيا، فيزيكا، ينفورماتيكا كابينەتتەرى جاڭارتىلدى،
- ۇلدار مەن قىزدارعا ارنالعان تەحنولوگيا كابينەتتەرى مەن شەبەرحانالار جابدىقتالدى،
- بارلىق ءپان كابينەتتەرى ينتەراكتيۆتى پانەلدەر جانە جاڭا جيھازدارمەن قامتاماسىز ەتىلدى.
«شىعىس ازتم» سكۆەرى
باسپا ءسوز تۋرى بارىسىندا جۋرناليستەر «حالىق قاتىساتىن بيۋدجەت» باعدارلاماسى اياسىندا جاڭعىرتىلعان «شىعىس ازتم» سكۆەرىن دە ارالادى. جاڭا «نوماد» تۇرعىن ءۇي كەشەنىنىڭ تۇرعىندارى بۇل باستامانى كوتەرگەن.
سكۆەر اۋماعىندا:
- ترەناجەرلەر، جاياۋ جۇرگىنشىلەر جولدارى،
- 10 مىڭ شارشى مەتر كوگال، گۇلدەر مەن اعاشتار وتىرعىزىلدى،
- جاڭا جارىقتاندىرۋ جۇيەسى ورناتىلدى.
قالا تۇرعىنى ءارى «حقب» جوباسىنىڭ تەڭ اۆتورى الەنا شين بۇل سكۆەردىڭ اۋدان ماقتانىشى ەكەنىن اتاپ ءوتتى:
"بۇل تەك سكۆەر عانا ەمەس، جاساندى توعانى بار بىرەگەي ورىن. بالالارىم وسى جەردە وينايدى، ۆولەيبول الاڭى دا كەرەمەت. وتباسىلىق دەمالىس ءۇشىن بارلىق جاعداي جاسالعان."
جاڭا قوعامدىق كەڭىستىك
سوڭعى نىسان – روزىباكييەۆ كوشەسىنىڭ بويىندا، دۇيسەنوۆ كوشەسىنەن وڭتۇستىككە قاراي ورنالاسقان جاڭا سكۆەر. بۇرىن بۇل اۋماقتا بەيبەرەكەت ساۋدا ورىندارى بولعان، تۇرعىندار بىرنەشە رەت جاسىل ايماق قۇرۋدى سۇراعان.
ناتيجەسىندە:
- شامامەن 2 مىڭ شارشى مەتر كوگالدى ايماق،
- گۇلدەر مەن اعاشتار وتىرعىزىلدى،
- ورىندىقتار، ترەناجەرلەر، پەرگولالار، بالالار الاڭدارى مەن جۇگىرۋ جولدارى ورناتىلدى،
- اۆتوماتتى سۋارۋ جانە جارىقتاندىرۋ جۇيەسى ىسكە قوسىلدى.
تۇرعىن اسەم نۇرعازينا بۇل وزگەرىستەرگە ريزاشىلىعىن ءبىلدىردى:
"بۇرىن مۇندا بەيبەرەكەت بازار بولدى، ءقازىر ادەمى، جاسىل دەمالىس ورنىنا اينالدى. ەرەسەكتەر دە، بالالار دا جايلى ۋاقىت وتكىزە الادى."
2023 جىلى المالى اۋدانىندا «حالىق قاتىساتىن بيۋدجەت» باعدارلاماسى اياسىندا 34 جوبا جۇزەگە اسىرىلسا، 2024 جىلى 52 جوبا جوسپارلانعان.
"جاسىل دەمالىس ايماقتارى قالانىڭ ەكولوگيالىق جاعدايىن جاقسارتۋدا ماڭىزدى ءرول اتقارادى. ءبىز ءارقاشان تۇرعىنداردىڭ باستامالارىن قولدايمىز،" – دەيدى اۋدان اكىمى ارمان شامشين.