الماتىدا «مىڭجىلقى» جاڭا كەمپينگ-ايماعى اشىلدى

«مىڭجىلقى» كەمپينگ-ايماعى تاۋ دەمالىسىن، ترەكينگتى، حايكينگتى جانە سەرۋەندەۋدى ۇناتاتىندارعا ارنالعان جابدىقتالعان جازعى لاگەر.

تۋريستەردىڭ جايلى جانە ءقاۋىپسىز دەمالىسى ءۇشىن شاتىرلار، جايلى بەسەدكالار، ورىندىقتارى بار ۇستەلدەر جانە ۇلتتىق ستيلدەگى «التىباقان» اتكەنشەكتەرى ورناتىلدى، دەپ حابارلايدى Almaty-akshamy.kz. 

تۋريستەردى تارتۋدىڭ جاڭا نۇكتەسى كىشى الماتى وزەنىنىڭ باستاۋىندا تەڭىز دەڭگەيىنەن 3100 م بيىكتىكتە ورنالاسقان (2GIS سىلتەمەسى). ماڭايىندا مانشۇك مامەتوۆا اتىنداعى كول مەن امانگەلدى شىڭى ورنالاسقان.

«ءبىز تۋريستەر ءۇشىن جاڭا اۆتوبۋس باعىتتارىن قۇرۋ بويىنشا جۇمىس ىستەپ جاتىرمىز. ءاربىر كەمپينگتىڭ ورنى تاقىرىبى مەن سيپاتىنا سايكەس كەلەتىن وزىندىك بىرەگەي ديزاينى بار. كەمپينگ ايماقتارى تۋرالى بارلىق اقپارات كارتا پلاتفورمالارىنا، سونىڭ ىشىندە 2GIS-كە قوسىلادى»، - دەدى الماتى قالاسى تۋريزم باسقارماسىنىڭ باسشىسى عاليا توقسەيىتوۆا.

«مىڭجىلقى» سوڭعى جىلدارى الماتى قالاسى تۋريزم باسقارماسى اشقان توعىزىنشى كەمپينگ-ايماق بولدى. بيىل جىلدىڭ سوڭىنا دەيىن تۋريستىك ينفراقۇرىلىمدى دامىتۋ شەڭبەرىندە باو - دا كەمپينگ-ايماق قۇرىلاتىن بولادى.

الماتى تۋريزم باسقارماسى دەمالۋشىلاردى تابيعاتتى ايالاپ، تاۋدا قوقىس تاستاماۋدى سۇرايدى، سونىمەن قاتار جاياۋ سەرۋەندەۋ كەزىندە قاۋىپسىزدىك ەرەجەلەرىن ساقتاۋدى ەسكەرتەدى:

• تاۋعا شىققاندا، تۋىستارىڭىزعا مارشرۋتىڭىز تۋرالى حابارلاۋ قاجەت.


• اۋا رايىنا ساي كيىنىڭىز، تەرىڭىزدى كۇننەن قورعاڭىز. وزىڭىزبەن بىرگە قاجەتتى جابدىقتاردى، باس كيىم، اس-سۋ جانە ءپورتاتيۆتى زاريادتاعىشپەن زاريادتالعان تەلەفوندى الىڭىز.


• ارنايى بەلگىلەنگەن جولدان شىقپاڭىز.

● قۇتقارۋ قىزمەتىنىڭ SMS ەسكەرتۋلەرىن قاپەرگە الىڭىز.