مەگاپوليستە 2400-دەن استام اشىق سپورت الاڭدارى بار. بۇل كورسەتكىش جىل سايىن ارتىپ كەلەدى، دەپ حابارلادى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى سپورت باسقارماسىنىڭ باسشىسى رۇستەم بايسەيىتوۆ.
الماتىدا اشىق سپورت الاڭدارىندا اكىمدىك تەگىن جاتتىعۋ پروسەسىن ۇيىمداستىردى. «ەڭبەك» باعدارلاماسى اياسىندا 42 مامان-جاتتىقتىرۋشى مىڭعا جۋىق بالاعا ساباق بەرەدى. جاتتىقتىرۋشىلار سانى تاعى دا جيىرما سپورت تالىمگەرىنە ۇلعايتىلادى دەپ جوسپارلانۋدا.
سونىمەن قاتار، «جەكپە-جەك» التى اۋداندىق اشىق ورتالىقتارىندا ءبجسم-نىڭ 14 جاتتىقتىرۋشىسى جاتتىعۋ پروسەسىن ۇيىمداستىردى.
سپيكەر وسىلايشا كوپتەگەن بالالاردى سپورتتىق ءومىر سالتىنا تارتۋ مىندەتى ىسكە اسىرىلىپ جاتقانىن حابارلادى. بۇگىندە ءار بالانىڭ تەگىن جاتتىعۋعا، جاتتىقتىرۋشىلارمەن سويلەسۋگە، پىكىرلەستەرمەن تانىسۋعا جانە بوس ۋاقىتىن پايدالى وتكىزۋگە مۇمكىندىگى بار.
«ءبىز 61 مەكتەپتە سپورت ايماقتارىن جاڭعىرتۋ جۇمىستارىن جالعاستىردىق. فۋتبول الاڭدارىن، ۆولەيبول جانە باسكەتبول الاڭدارىن، ۆوركاۋت جانە جۇگىرۋ جولدارىن سالۋ كوزدەلگەن. بۇگىندە الماتى مەكتەپتەرىنىڭ سپورت زالدارىمەن جانە سپورت جابدىقتارىمەن قامتاماسىز ەتىلۋ كورسەتكىشى 100%-دى قۇرايدى جانە ەلىمىزدەگى ەڭ ۇزدىك بولىپ تابىلادى»، - دەپ حابارلادى سپورت باسقارماسىنىڭ باسشىسى.
بالالار مەن جاسوسپىرىمدەر مەكتەپتەرىندەگى سپورتتىق قۇرال-جابدىقتاردى جاڭعىرتۋ جانە تاياۋداعى ءۇش جىلدا تولىققاندى جاتتىعۋ پروسەسى ءۇشىن قولدا بار ينفراقۇرىلىمدى جوندەۋ جوسپارلانۋدا. سونىڭ ىشىندە جوعارى سپورت شەبەرلىگى مەكتەبىنىڭ عيماراتى مەن ورتالىق ستاديوننىڭ قوسالقى الاڭى جوندەلەتىن بولادى.