الماتىدا «مىڭ تامشى» تاريحي سۋبۇرقاعى قالپىنا كەلتىرىلدى

كوگالداندىرۋ جۇمىستارى بارىسىندا قاراعاي، كاشتان، ساندىك اربورۆيتا، راۋشان جانە باسقا دا گۇلدەر وتىرعىزىلدى.

الماتى قالاسىنىڭ ەكولوگيا جانە قورشاعان ورتا باسقارماسى قبتۋ جانىندا ورنالاسقان «سولتۇستىك» (سيەۆەرنىي) سكۆەرىنە رەكونسترۋكسيا جۇرگىزىلدى، دەپ حابارلايدى Almaty-akshamy.kz

سكۆەر اۋماعىندا بەتون پليتكالارى توسەلدى، وتاندىق ءوندىرىستىڭ شويىن تىرەكتەرى مەن شامدارى ورناتىلدى، سۋارۋ جۇيەسى قالپىنا كەلتىرىلدى، قوسىمشا رەزەرۆۋار ورناتىلدى. رەكونسترۋكسيالاۋ قالانىڭ تاريحي-مادەني مۇراسىنىڭ، ونىڭ ىشىندە «مىڭ تامشى» سۋبۇرقاعىنىڭ بەينەسىن ساقتاۋدى ەسكەرە وتىرىپ جۇرگىزىلدى.

جوندەۋ-قالپىنا كەلتىرۋ جۇمىستارى بارىسىندا بارلىق قۇبىرلار، ساپتامالار مەن ارماتۋرالار ۇزاق مەرزىمدى پايدالانۋ ناتيجەسىندە ىستەن شىققاندىعى انىقتالدى. كورروزيا ناتيجەسىندە قۇبىرلاردا اعىن پايدا بولدى، تۇزداردىڭ تۇندىرىلۋى، بۇل سۋ ساڭىلاۋلارىنىڭ بىتەلۋىنە اكەلدى. وسىعان بايلانىستى قۇبىر جۇيەسى مەن سورعى قوندىرعىسى، سۋبۇرقاقتىڭ جۇمىس ىستەۋىن قامتاماسىز ەتەتىن سىرتقى جەلىلەر تولىعىمەن اۋىستىرىلدى. سۋبۇرقاقتىڭ گرانيت جابىنى دا قالپىنا كەلتىرىلىپ، جارىقتار مەن ويىقتار جويىلدى.

ايتا كەتەرلىگى، كەلىسىمشارتقا سايكەس مەردىگەر ۇيىم ەكى جىلعا دەيىنگى مەرزىمگە جۇرگىزىلگەن جۇمىستارعا كەپىلدىك مىندەتتەمە الاتىن بولدى.