بۇگىن قازاقستان رەسپۋبليكاسى ۇلتتىق كىتاپحاناسىندا قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى مۇزافار الىمبايەۆتىڭ 100 جىلدىعىنا ارنالعان «قازاق بالالار ادەبيەتىنىڭ وتكەنى مەن بۇگىنى» اتتى رەسپۋبليكالىق عىلىمي-تەوريالىق كونفەرەنسيا ءوتتى، دەپ حابارلايدى Almaty-akshamy.kz.
كونفەرەنسيانى عىلىم جانە جوعارى ءبىلىم مينيسترلىگى عىلىم كوميتەتىنىڭ م.و.اۋەزوۆ اتىنداعى ادەبيەت جانە ونەر ينستيتۋتى، قازاقستان جازۋشىلار وداعى، قازاقستان رەسپۋبليكاسى ۇلتتىق كىتاپحاناسى بىرىگىپ ۇيىمداستىردى.
شارانىڭ ماقساتى – قازاق بالالار ادەبيەتىنىڭ كورنەكتى وكىلى مۇزافار الىمبايەۆتىڭ ءومىر مەن شىعارماشىلىعىن، بالالار ادەبيەتىندەگى ءداستۇر ساباقتاستىعىن، بالالار قالامگەرلەرىنىڭ جاڭاشىلدىعىن، قازىرگى قازاق بالالار ادەبيەتىنىڭ وزەكتى ماسەلەلەرىن ناسيحاتتاۋ.
ءىس-شارانىڭ مودەراتورى – م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ماتىجانوۆ كەنجەحان ءىسلامجان ۇلى جۇرگىزدى.
جيىن بارىسىندا قازاقستان جازۋشىلار وداعى باسقارماسى ءتوراعاسىنىڭ ورىنباسارى، فيلولوگيا عىلىمدارىنىڭ دوكتورى باۋىرجان جاقىپ «مۇزاعاڭنىڭ اقىندىق الەمى» تاقىرىبىندا بايانداما جاسادى. سونداي-اق فيلولوگيا عىلىمدارىنىڭ دوكتورى نۇرداۋلەت اقىش، م.و.اۋەزوۆ اتىنداعى ادەبيەت جانە ونەر ينستيتۋتى تاۋەلسىزدىك داۋىرىندەگى ادەبيەت جانە كوركەم پۋبليسيستيكا ءبولىمىنىڭ مەڭگەرۋشىسى گۇلجاھان وردا، قازاقستاننىڭ ەڭبەك سىڭىرگەن قايراتكەرى سۇلەيمەنوۆ بەيسەنباي بايانداما جاسادى.
كونفەرەنسيا اياسىندا بالالارعا ارنالعان ك.ماتىجانوۆتىڭ «ۋىز تاربيە» مونوگرافياسى جانە "قازىرگى قازاق بالالار ادەبيەتىنىڭ دامۋ ۇردىستەرى (1991–2021)" ۇجىمدىق مونوگرافياسىنىڭ تانىستىرىلىمى بولدى.
سونىمەن قاتار الماتى قالاسىنداعى اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتىپ وقىتاتىن مەكتەپ-ينتەرناتتىڭ 11 سىنىپ وقۋشىسى جالعاس قازىبەك م.الىمبايەۆقا ارناپ ارناۋ ورىندادى.
م. الىمبايەۆتىڭ ۇلى بالامەر الىمبايەۆ قورىتىندى ءسوز سويلەدى.
ءىس-شارا اياسىندا مۇزافار الىمبايەۆتىڭ ءومىرى مەن شىعارماشىلىعىنا ارنالعان «بالالار باقىتىنىڭ جىرشىسى» اتتى كەڭ اۋقىمدى كىتاپ كورمەسى ءۇيىمداستىرىلدى.