وتكەن جىلى الەۋمەتتىك قولداۋمەن 192 مىڭنان استام ادام قامتىلدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ مالىمدەدى، دەپ حابارلايدى almaty-akshamy.kz
ونىڭ ايتۋىنشا، از قامتىلعان حالىقتى قولداۋ باعىتتارىنىڭ ءبىرى الەۋمەتتىك كومەكتىڭ 17 ءتۇرىن كورسەتۋ بولىپ تابىلادى. الەۋمەتتىك كومەكتىڭ نەگىزگى الۋشىلارى ارداگەرلەر مەن ولارعا تەڭەستىرىلگەن ادامدار، جالعىزباستى زەينەتكەرلەر، مۇگەدەكتىگى بار ادامدار، ومىرلىك قيىن جاعدايعا تاپ بولعان ادامدار، الەۋمەتتىك ماڭىزى بار اۋرۋلاردىڭ كەيبىر تۇرلەرى (تۋبەركۋلەز، ايتۆ-ينفەكسياسى) بار ادامدار بولىپ تابىلادى.
سونداي-اق، جىل سايىن الەۋمەتتىك كومەكتىڭ مولشەرى قايتا قارالاتىنىن، سونداي-اق كومەكتىڭ جاڭا تۇرلەرى ەنگىزىلەتىنىن اتاپ ءوتتى.
«قوسىمشا الەۋمەتتىك قولداۋ ماقساتىندا الماتى قالاسى ءماسليحاتىنىڭ قولدانىستاعى شەشىمىنە وزگەرىستەر ەنگىزىلدى، وندا 1986 جىلعى جەلتوقسان وقيعالارىنا قاتىسۋشىلارعا ق ر تاۋەلسىزدىك كۇنىنە وراي ءبىرجولعى الەۋمەتتىك كومەك مولشەرى 150 مىڭ تەڭگەدەن 250 مىڭ تەڭگەگە دەيىن ۇلعايتىلدى. بۇل كومەكتى جەلتوقسان وقيعاسىنا 676 قاتىسۋشى الدى»، - دەدى باۋىرجان جاۋباسوۆ.
ماسەلەن، باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلدارعا قاتىسقان ارداگەرلەرى ءۇشىن كەڭەس اسكەرلەرىنىڭ شەكتەۋلى كونتينگەنتىن اۋعانستاننان شىعارۋ كۇنىنە 100 مىڭ تەڭگەدەن جاڭا تولەم ەنگىزىلدى. وسىلايشا، باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلداردىڭ ارداگەرلەرى 200 مىڭ تەڭگە الادى: 9 مامىر مەن 15 اقپان قارساڭىندا 100 مىڭ تەڭگەدەن.
بۇدان باسقا، 2024 جىلدان باستاپ بەلگىلەنگەن كۆوتاعا سايكەس جەلتوقسان وقيعاسىنىڭ اقتالعان قاتىسۋشىلار (120 كۆوتا بويىنشا) جانە زەينەتكەرلىك جاسقا تولماعان باسقا مەملەكەتتەر اۋماعىنداعى جاۋىنگەرلىك ءىس-قيمىلداردىڭ مۇقتاج ارداگەرلەرىنە (180 كۆوتا بويىنشا) جىل سايىنعى ساناتوريي-كۋرورتتىق ەم ۇسىنۋ كوزدەلگەن.
سونداي-اق، 1986 جىلعى جەلتوقسان وقيعاسىنىڭ اقتالعان قاتىسۋشىلارى قالالىق قوعامدىق كولىكتە تەگىن جۇرۋگە قۇقىلى.
2024 جىلى 2،9 مىڭ اۋعان ارداگەرى مەن 1986 جىلعى جەلتوقسان وقيعاسىنا 700 قاتىسۋشىسىن (444 ملن تەڭگە) قوسىمشا الەۋمەتتىك قولداۋ شارالارىمەن قامتاماسىز ەتۋ جوسپارلانۋدا.
الماتىدا ەلەكتر ەنەرگياسىنا ءتاريفتىڭ وسۋىنە بايلانىستى حالىقتىڭ الەۋمەتتىك وسال توپتارى ءۇشىن وتەماقى ۇلعايتىلدى.
«ينۆەستيسيالارعا ايىرباستاۋ ءتاريفى» باعدارلاماسى شەڭبەرىندە 2023 جىلعى شىلدەدەن باستاپ ازاماتتاردىڭ جەكەلەگەن 8 ساناتىنا - ولار ۇلى وتان سوعىسىنىڭ ارداگەرلەرى، باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلداردىڭ ارداگەرلەرى، 1 جانە 2 توپتاعى مۇگەدەكتىگى بار ادامدار، مۇگەدەك بالالاردى تاربيەلەپ وتىرعان وتباسىلار، كوپ بالالى وتباسىلار، جاسى بويىنشا زەينەتكەرلەر جانە حالىقتىڭ باسقا دا ساناتتارى بويىنشا 0،5 اەك (1725 تەڭگە) مولشەرىندە الەۋمەتتىك كومەك ەنگىزىلدى. تولەمدەرمەن 133 مىڭ ادام قامتىلدى. 2023 جىلعى قاراشادان باستاپ اتالعان الەۋمەتتىك كومەكتىڭ مولشەرى 0،6 اەك – كە (2 215 تەڭگە) دەيىن ۇلعايتىلدى جانە تولەم مەرزىمى 2024 جىلعى 30 ماۋسىمعا دەيىن ۇزارتىلدى»، - دەپ ناقتىلادى سپيكەر.
سونىمەن قاتار، جان باسىنا شاققانداعى ورتاشا تابىسى كەدەيلىك شەگىنەن تومەن وتباسىلارعا كورسەتىلەتىن اتاۋلى الەۋمەتتىك كومەكتى (ااك) 4 186 وتباسى نەمەسە 21 108 ادام (2،2 ملرد تەڭگە) الدى.
كەدەيلىك شەگى توقسان سايىن ەڭ تومەنگى كۇنكورىس دەڭگەيىنىڭ 70% مولشەرىندە ايقىندالادى (2024 جىلعى 1 توقسان: ەڭ تومەنگى كۇنكورىس شەگى – 52 136 تەڭگە، كەدەيلىك شەگى – 36 495 تەڭگە).
«2023 جىلى الەۋمەتتىك كومەك تۇرلەرىن 6،7 ملرد تەڭگەگە 192،7 مىڭ ادام الدى. 2024 جىلى 23،6 مىڭ از قامتىلعان ازاماتقا (2،5 ملرد تەڭگەگە) الەۋمەتتىك كومەك كورسەتۋ جوسپارلانعان»، – دەدى باۋىرجان جاۋباسوۆ.