وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى بويىنشا مەملەكەتتىك كىرىستەر دەپارتامەنتى وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆ ءجيى قويىلاتىن سۇراقتارعا جاۋاپ بەردى دەپ حابارلايدى almaty-akshamy.kz
- ەسەپتەلگەن سالىق سوماسىن قالاي تەكسەرۋگە بولادى؟
- ەسەپتەلگەن سالىق سوماسىن سايتتاعى «الداعى تولەمدەر» سەرۆيسىنەن تەكسەرۋگە بولادى kgd.gov.kz، E-salyq Azamat ءموبيلدى قوسىمشاسى، سونداي-اق Homebank بانكتەرىنىڭ ءموبيلدى قوسىمشالارىندا جانە Kaspi.kz (مەملەكەتتىك قىزمەتتەر – سالىقتار-كولىك پەن مۇلىك سالىعى - جسن ەنگىزۋ).
- سالىق بەرەشەگىن قالاي تەكسەرۋگە بولادى؟
سالىق بويىنشا بەرەشەكتىڭ بار/جوق ەكەنى تۋرالى مالىمەتتەردى e-Salyq Azamat (AppStore، PlayMarket) ءموبيلدى قوسىمشاسى ارقىلى تەكسەرۋگە بولادى→ەلەكتروندىق سەرۆيستەر→سالىق جانە الەۋمەتتىك تولەمدەر بويىنشا بەرەشەك سەرۆيسى→جسن ەنگىزۋ.
20.09.2022 ج. جاعداي بويىنشا قالا بويىنشا 20 311 تۇلعانىڭ مۇلىك سالىعى بويىنشا جالپى سوماسى 254 ملن تەڭگەگە بەرەشەگى بار.
- بورىشكەرلەرگە قانداي شارالار قولدانىلۋدا؟
بىرىنشىدەن، مەرزىمى وتكەن ءاربىر كۇن ءۇشىن قازاقستان رەسپۋبليكاسىنىڭ ۇلتتىق بانكى بەلگىلەگەن قايتا قارجىلاندىرۋدىڭ رەسمي ستاۆكاسىنىڭ 1،25 ەسەلەنگەن مولشەرىندە ءوسىمپۇل الىنادى.
ەكىنشىدەن، بورىشكەرلەر بانكتىك قىزمەتتەردى الا المايدى، ونىڭ ىشىندە بانك شوتتارىن اشۋ، اقشا اۋدارۋ، نەسيە الۋ جانە ت.ب.
ۇشىنشىدەن، ماجبۇرلەپ ورىنداتۋ ماقساتىندا بەرەشەك سوماسى 1 اەك-تەن اساتىن بورىشكەرلەر بويىنشا ماتەريالدار سوت ورىنداۋشىلارىنا جولدانادى، ولار بورىشكەرلەرگە، ونىڭ ىشىندە مۇلكىنە جانە بانك شوتتارىنا تىيىم سالۋ، سونداي-اق رەسپۋبليكادان تىس جەرلەرگە شىعۋىنا شەكتەۋ قويۋ شارالارىن قولدانادى. ايتا كەتسەك، سوت ورىنداۋشىلار ءبىر مەزگىلدە قارىزدىڭ 25 پايىزىن قۇرايتىن سوت شىعىندارىن ۇستايدى.
تورتىنشىدەن، بورىشكەرلەردىڭ جۇمىس ورىندارىنا حاتتار جولدانىپ، الماتى قالاسىنىڭ جەرگىلىكتى پوليسياسىمەن جانە الماتى قالاسىنىڭ جەكە سوت ورىنداۋشىلارىنىڭ وڭىرلىك پالاتاسىمەن بىرلەسىپ، بورىشكەرلەردىڭ مەكەنجايلارى بويىنشا رەيدتەر جۇرگىزىلۋدە.
بارلىق سۇراقتار بويىنشا سالىق تولەۋشىلەر ءبىرىڭعاي بايلانىس ورتالىعىنا 1414 تەلەفونى بويىنشا حابارلاسا الادى.