الماتىدا مۇگەدەكتىگى بار بالالارعا ارناۋلى پسيحولوگيالىق-پەداگوگيكالىق قولداۋ كورسەتەتىن ماماندارعا وڭىرلىك بيۋدجەت ەسەبىنەن بەرىلەتىن تولەم كولەمى بەكىتىلمەك، دەپ حابارلايدى اlmaty-akshamy.kz قازاقپاراتقا سىلتەمە جاساپ.
"الماتى قالاسىنىڭ 2023 جىلعا ارنالعان بيۋدجەت قاراجاتىنىڭ كولەمدەرى شەگىندە مۇمكىندىگى شەكتەۋلى بالالاردى ارناۋلى پسيحولوگيالىق-پەداگوگيكالىق قولداۋعا مەملەكەتتىك ءبىلىم بەرۋ تاپسىرىسى بەكىتىلسىن"، - دەلىنگەن "اشىق نقا" پرتالىندا جاريالانعان اكىمدىك قاۋلىسىندا.
قۇجاتتا كورسەتىلگەندەي، ءقازىر ارنايى پسيحولوگيالىق-پەداگوگيكالىق كومەك الۋ ءۇشىن 1 433 مۇگەدەكتىگى بار بالا كەزەكتە تۇر.
قالالىق ءبىلىم باسقارماسى 1 بالا ءۇشىن ساعاتىنا ماماننىڭ جۇمىسى ءۇشىن مىناداي سوما ءبولۋدى ۇسىندى:
پسيحولوگ – 7 216 تەڭگە (1 ساعات جەكە ساباق ءۇشىن)؛
لوگوپەد – 7 619 تەڭگە (1 ساعات جەكە ساباق ءۇشىن)؛
دەفەكتولوگ – 7 755 تەڭگە (1 ساعات جەكە ساباق ءۇشىن)؛
تيفلوپەداگوگ – 7 729 تەڭگە (1 ساعات جەكە ساباق ءۇشىن)؛
وليگوفرەنوپەداگوگ – 7 917 تەڭگە (1 ساعات جەكە ساباق ءۇشىن)؛
سۋردوپەداگوگ – 7 593 تەڭگە (1 ساعات جەكە ساباق ءۇشىن)؛
ەمدىك دەنە شىنىقتىرۋ نۇسقاۋشىسى – 7 212 تەڭگە (1 ساعات جەكە ساباق ءۇشىن).
اكىمدىك قاۋلىسى 22 ساۋىرگە دەيىن كوپشىلىك تالقىلاۋىندا بولادى.