الماتىدا موپەدشى پوليسيا قىزمەتكەرىن قاعىپ كەتتى

زاڭ بۇزعان موپەدشى قاشىپ كەتپەكشى بولدى.

الماتىدا موپەد جۇرگىزۋشىسى پوليسيا قىزمەتكەرىن قاعىپ كەتىپ، وقيعا ورنىنان قاشپاق بولدى، دەپ حابارلايدى اlmaty-akshamy.kz رolisia.kz-كە سىلتەمە جاساپ.

وقيعا 12 مامىر كۇنى ساعات 16.00 شاماسىندا الماتىنىڭ مەدەۋ اۋدانىندا بولدى.

«دوستىق داڭعىلى مەن قۇرمانعازى كوشەسىنىڭ قيىلىسىندا باسىنا شلەم كيمەگەن موپەد جۇرگىزۋشىسىن بايقاپ قالدىق. توقتاۋ تۋرالى بۇيرىقتى ورىندامادى. كەرىسىنشە، جوعارى جىلدامدىقپەن جەكە ۇيلەر اراسىمەن قاشىپ كەتۋگە تىرىستى.

بۇدان بولەك، ول جول قوزعالىسىنا قاتىسۋشىلارعا ناقتى ءقاۋىپ ءتوندىردى. قۋىس كوشەدە موپەدتى جاياۋ قۋا باستادىم. موپەدشى ارتقا بۇرىلىپ، ماعان قاراي ادەيى ءجۇردى. سوقتىعىسۋدان قاشىپ قۇتىلۋ مۇمكىن بولمادى. مەن قۇلادىم. ال موپەدشى باسقارۋ تەتىگىنە يە بولا الماي، كەدەرگىگە سوقتىعىستى. سودان كەيىن ول ۇستالدى»، - دەدى الماتى قالالىق پوليسيا دەپارتامەنتى جەرگىلىكتى پوليسيا قىزمەتى باسقارماسىنىڭ پاترۋلدىك پوليسيا پولكىنىڭ ينسپەكتورى جانىبەك ورازبايەۆ.

موپەدشى كۋرەرلىك كومپانيالاردىڭ ءبىرىنىڭ 23 جاستاعى قىزمەتشىسى بولىپ شىقتى.

«زارداپ شەككەن پوليسەي اۋرۋحاناعا جەتكىزىلدى. جول-كولىك وقيعاسى جانە پوليسيا قىزمەتكەرىنىڭ زاڭدى تالاپتارىنا باعىنباۋ دەرەكتەرى تىركەلدى. موپەد جۇرگىزۋشىسى ق ر زاڭناماسىنا ساي جاۋاپكەرشىلىككە تارتىلاتىن بولادى»، - دەلىنگەن مالىمەتتە.