الماتىدا موپەد ۇرلاۋمەن اينالىسقان 21 جاستاعى ازامات ۇستالدى، – دەپ حابارلايدى Almaty-akshamy.kz.
الاتاۋ اۋدانىنىڭ پوليسەيلەرى بوتەننىڭ مۇلكىن ۇرلاۋمەن اينالىسقان 21 جاستاعى تۇركىستاندىق ازاماتتى ۇستادى. تەرگەپ-تەكسەرۋ كەزىندە كۇدىكتىنىڭ وسىعان ۇقساس ءتورت ۇرلىققا قاتىسى بار ەكەنى انىقتالدى.
– قىلمىستىق تىزبەككە سايكەس، كۇدىكتى جەكە سەكتورداعى ەكى دوڭگەلەكتى كولىكتەردى قاراپ جۇرگەن. ول قولايلى ءساتتى كۇتىپ، ولاردى ۇرلاپ كەتكەن. اتالعان بارلىق جاعداي موپەدتەر يەسىنىڭ قاراۋىنسىز قالعان كەزدە بولعان. ول ەكى دوڭگەلەكتى كولىكتەردى ساتىپ، قىلمىستىق جولمەن تاپقان اقشانى ءوز قاجەتتىلىگىنە جۇمساعان. ن.ەسىمدى ازامات ۇستالىپ، قاماۋعا الىندى. ءقازىر ونىڭ جەكە باسى باسقا دا ىقتيمال ەپيزودتارعا قاتىسى بار-جوعىنا مۇقيات تەكسەرىس جۇرگىزىلىپ جاتىر، – دەدى الاتاۋ اۋداندىق پب-عا قاراستى پوليسيا ءبولىمىنىڭ باستىعى اسحات داۋلەتياروۆ.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.