ۇرلىق ۆيدەوعا ءتۇسىپ قالعان. جەتىسۋ اۋدانىنىڭ پوليسەيلەرى موپەد ۇرلادى دەگەن ەكى ادامدى ۇستادى.
30 جاستاعى ي. ەسىمدى ازامات پەن ونىڭ 37 جاستاعى سەرىگى – ك.ەسىمدى ازاماتشا كۇدىككە ءىلىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«الدىن الا انىقتالعانداي، كۇدىكتىلەر زاڭسىز بايۋ ماقساتىندا تۇندە زۋباريەۆ كوشەسىندە ورنالاسقان جاتاقحانانىڭ اۋلاسىندا قالىپ قويعان موپەدتى كورىپ، ۇرلاپ كەتكەن. كەيىن قاسكويلەر كولىك قۇرالىن 100 مىڭ تەڭگەگە ساتىپ جىبەرگەن. جەدەل ۋاكىلدەر ەكى دوڭگەلەكتى كولىكتى الماتى وبلىسى ىلە اۋدانىنا قاراستى بۋرۋنداي اۋىلىنان تاپتى جانە تاركىلەدى. ءقازىر ول زاتتاي ايعاق رەتىندە قىلمىستىق ءىس ماتەريالدارىنا تىركەلدى. ۇستالعانداردىڭ قىلمىستىق ارەكەتتەرى بەينەباقىلاۋ كامەرالارى ارقىلى جازىلىپ قالعانىن ايتا كەتەيىن. قازىرگى ۋاقىتتا ولاردىڭ جەكە باسى وسىعان ۇقساس باسقا دا قىلمىستارعا قاتىسى بار-جوعىنا تەكسەرىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.