قالادا موپەد پەن جەڭىل كولىك سوقتىعىسىپ، ءبىر ادام زارداپ شەكتى.
جول اپاتىنىڭ ۆيدەوسى الەۋمەتتىك جەلىدە تارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالالىق پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، جول اپاتى كۇندىزگى ۋاقىتتا ءال-فارابي داڭعىلىندا بولعان.
«موپەد تىزگىندەگەن ن. ءال-فارابي داڭعىلى بويىمەن شىعىس باعىتتا كەلە جاتىپ، قاشىقتىقتى ساقتاماعان. وسىلايشا، «Mitsubishi» ماركالى كولىككە سوقتىعىسقان»، - دەدى الماتى قالاسى پوليسيا دەپارتامەنتى انىقتاۋ باسقارماسىنىڭ باستىعى ولجاس ءشارىپوۆ.
ءمالىم ەتىلگەندەي، موپەدتە مەملەكەتتىك تىركەۋ ءنومىرى بولماعان. پوليسيا وكىلىنىڭ ايتۋىنشا، جول اپاتى سالدارىنان موپەدشى دەنە جاراقاتىمەن اۋرۋحاناعا جەتكىزىلدى. اتالعان دەرەكتى بوستاندىق اۋدانىنىڭ پوليسيا باسقارماسى تەكسەرىپ جاتىر.