قۇقىق بۇزۋشىلاردىڭ اراسىندا Gastreat بارى، «اريال» گولف كلۋبى، «چەچيل پاب»، «ايۆا» مەيرامحاناسى بار.
وتكەن اپتادا الماتىداعى مونيتورينگتىك توپتار 1000-عا جۋىق مەكەمەنى تەكسەردى، 124 نىساندا بۇزۋشىلىقتار انىقتالدى، ولاردىڭ جارتىسىنا جۋىعى دەمالىس كۇندەرى تىركەلدى دەپ حابارلايدى almaty-akshamy.kz
تەكسەرۋ كەزىندە 167 حاتتاما جاسالدى. زاڭدى تۇلعالار ءۇشىن جالپى سوماسى 10،7 ملن تەڭگەگە 26 حاتتاما جاسالدى. جەكە تۇلعالارعا قاتىستى ماسكا رەجيمىن بۇزعانى ءۇشىن 6،2 ملن تەڭگە كولەمىندە ايىپپۇل سالىنىپ، 141 حاتتاما تولتىرىلدى.
ماسەلەن، 11 تامىزدا كەشكى ساعات 17.00 شاماسىندا بوستاندىق اۋدانى، ءال-فارابي داڭعىلىنداعى «اريال» گولف كلۋبىنىڭ اۋماعىندا 60 ادامعا ارنالعان توي ءوتتى، ونى تەكسەرۋشىلەر توقتاتتى. جينالعاندارعا مۇنداي شارالار كوروناۆيرۋستىڭ تارالۋ وشاعىنا اينالاتىنىن ەسكە سالدى، سەبەبى شاقىرىلعاندار اراسىندا سيمپتومسىز كەلۋشىلەر بولۋى مۇمكىن. سول كۇنى، شامامەن ساعات 22.40-تا، بوستاندىق اۋدانىنىڭ مونيتورينگتىك توبى گاگارين كوشەسىندەگى Gastreat لاۋندج-بارىندا زاڭ بۇزۋشىلىقتاردى انىقتادى. تەكسەرۋ كەزىندە 30 ادام بولعان.
12 تامىزدا، ساعات 21.47 شاماسىندا، اۋەزوۆ اۋدانىنىڭ جەتىسۋ-3 شاعىن اۋدانىندا «فورتۋنا» بانكەت زالى جۇمىس ىستەپ تۇرعان، بۇل جەردە 100 ادامعا ۇيلەنۋ تويى ءوتتى.
مەدەۋ اۋدانىندا 12 تامىزدا، ساعات 23.22 شاماسىندا تولەبايەۆ كوشەسىندەگى «چەچيل پابىندا» 50 ادام بولعان ءتارتىپ بۇزۋشىلىق تىركەلدى. 14 تامىزدا، ساعات 20.30 شاماسىندا مەدەۋ اۋدانىندا گوگول كوشەسىندەگى «ايۆا» مەيرامحاناسىندا زاڭ بۇزۋشىلىق تىركەلدى، وندا 60 قوناقپەن ۇيلەنۋ تويى ءوتتى.
ءجيى ءتارتىپ بۇزاتىندار بويىنشا 75 ماتەريال سوتقا بەرىلدى (462-باپتىڭ 3-بولىگى جانە 425-باپتىڭ 1-بولىگى بويىنشا)، ونىڭ ىشىندە 65 ماتەريال مەكەمەلەردىڭ قىزمەتىن توقتاتۋ تۋرالى شەشىم قابىلداۋ ءۇشىن پايدالانىلدى.
سونىمەن قاتار، الماتىدا قوعامدىق كولىكتەردە ءۇشىنشى اپتا ماسكا رەجيمىنىڭ ساقتالۋىنا باقىلاۋ كۇشەيتىلدى. ىقتيمال جۇقتىرۋ ورىندارىنىڭ اراسىندا سوسو مەن بازارلارمەن قاتار قوعامدىق كولىكتەر كورسەتىلگەنىن ەسكەرە وتىرىپ، بۇل سەگمەنتتە ارنايى مونيتورينگتىك توپتاردىڭ جۇمىسى كۇشەيتىلدى.
مىسالى، 12 جانە 13 تامىزدا مونيتورينگتىك توپتار 163 اۆتوبۋستى تەكسەردى. قالانىڭ قوعامدىق كولىكتەرىندە ماسكا رەجيمىن ساقتاماعانى ءۇشىن 41 جولاۋشىعا ق ر اكىمشىلىك كودەكسىنىڭ 425-بابىنىڭ 1ء-بولىمى بويىنشا اكىمشىلىك حاتتامالار جاسالدى.
الماتى تۇرعىندارىن كارانتيندىك شەكتەۋلەردى ساقتاۋدى جالعاستىرۋعا شاقىرادى. جاڭا كوروناۆيرۋس ينفەكسياسىنىڭ ۆيرۋسى ودان ءارى مۋتاسيالاناتىن بولسا، وندا ول قايعىلى جاعدايعا اكەلەتىنىن ەستەن شىعارماعان ءجون. ودان قورعانۋدىڭ جالعىز جولى – كوپشىلىكتىڭ ۆاكسينالانۋى.
15 تامىزدا الماتىدا كوروناۆيرۋس ينفەكسياسىنىڭ 1 503 جاعدايى تىركەلدى، ونىڭ ىشىندە 1 419 – سيمپتومدى. توسەك-ورىن قۋاتتىلىعى 8 910 ينفەكسيالىق اۋرۋحانالاردا 6 294 ادام، ونىڭ ىشىندە 246 بالا بار. رەانيماسيا جانە ينتەنسيۆتى تەراپيا بولىمىندە 434 ناۋقاس ەمدەلۋدە. ءوجج اپپاراتىندا - 67، ءينۆازيۆتى ەمەس ءوجج اپپاراتىندا - 178، High flow - 176 اپپاراتى.
بۇگىدە امسك مەن تەلەمەديسينا ورتالىعىنىڭ ءموبيلدى توپتارى ۇيدە 13 127 ناۋقاستى باقىلاۋدا، جەڭىل جانە ورتاشا اۋىر سيمپتومدى ناۋقاس - 12 564، سيمپتومسىز - 563.