11 ەكيپاج كۇن سايىن جولعا شىعادى.
الماتىدا ءموبيلدى ەكوپاترۋلدەر ىسكە قوسىلدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
ءقازىر ۋاقىتتا الماتى پوليسياسى جاسىل ەكونوميكا باسقارماسىمەن بىرلەسىپ، ەكولوگيالىق ستاندارتقا ساي كەلمەيتىن كولىكتەردى انىقتاۋ ماقساتىندا رەيد جۇرگىزىپ جاتىر. كورسەتىلگەن زاڭ بۇزۋشىلىقتاردى انىقتاۋ ءۇشىن ارنايى تەحنيكامەن جابدىقتالعان پاترۋلدىك پوليسيانىڭ 11 ەكيپاجى كۇن سايىن جولعا شىعادى.
«ءىس-شارانىڭ باسىنان بەرى ەكى جارىم مىڭنان استام كولىك تەكسەرۋدەن ءوتتى، ونىڭ 1 مىڭ 193ء-ى ديزەلدىك وتىنمەن، 1 مىڭ 357ء-سى جاعارمايمەن جۇرەدى. تەكسەرىلگەن كولىكتەردىڭ جالپى سانىنىڭ 23%-ى ەكولوگيالىق ستاندارتتارعا سايكەس كەلمەيدى: 589 كولىك قۇرالىندا پايدالانىلاتىن گاز كولەمى ارتىق بولىپ شىقتى. سونىمەن قاتار، بۇگىندە قالاعا كىرە بەرىستە 19 ەكولوگيالىق بەكەت ورناتۋ جۇمىستارى جۇرگىزىلىپ جاتقانىن حابارلايمىز. ولار ولشەۋ قۇرالدارى، بەينەباقىلاۋ كامەرالارىمەن جابدىقتالعان. اعىمداعى جىلدىڭ ناۋرىز ايىنان باستاپ بارلىعى 139 مىڭ 746 كولىك تەكسەرىلدى، ونىڭ 21 مىڭ 751-ىندە ۋلىلىق نورماسىنان اسىپ كەتكەنى انىقتالدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.
انىقتاما ءۇشىن: ق ر اقبك-نىڭ 334-بابىنا سايكەس، شىعارىندىلارىنداعى لاستاۋشى زاتتاردىڭ مولشەرى، سونداي-اق پايدالانۋ كەزىندە ولاردان تۋىندايتىن شۋ دەڭگەيى بەلگىلەنگەن نورماتيۆتەردەن (تەحنيكالىق نورمالاردان) اساتىن اۆتوكولىكتەردى، باسقا دا جىلجىمالى كولىكتەردى جانە قوندىرعىلاردى پايدالانۋ ەسكەرتۋ جاساۋعا نەمەسە ايىپپۇل سالۋعا اكەلەدى، جەكە تۇلعالارعا – 10، زاڭدى تۇلعالارعا – 100 ايلىق ەسەپتiك كورسەتكiش مولشەرiندە ايىپپۇل سالىنادى.
وسى باپتىڭ ءبىرىنشى بولىگىندە كوزدەلگەن اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ىس-ارەكەت ءۇشىن جەكە تۇلعالارعا – 20، زاڭدى تۇلعالارعا 200 ايلىق ەسەپتiك كورسەتكiش مولشەرiندە ايىپپۇل سالىنۋى ىقتيمال.