وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى يلدار ۇيسىمبايەۆتىڭ قاتىسۋىمەن بريفينگ ءوتتى.
بايانداماشى ءوز سوزىندە مەملەكەت باسشىسى جاڭا قازاقستاندا مەملەكەتتىك قىزمەتتىڭ قىزمەت كورسەتۋ سيپاتىندا بولۋى جانە ارتىق بيۋروكراتياسىز جۇمىس ىستەۋى كەرەكتىگىن بىرنەشە رەت اتاپ وتكەنىنە توقتالدى. بۇل تاپسىرما الماتىداعى مەملەكەتتىك مەكەمەنىڭ ميسسياسىنىڭ نەگىزىنە اينالدى، دەپ حابارلايدى Almaty-akshamy.kz.
«مەملەكەتتىك قىزمەت ىستەرى اگەنتتىگىنە مەملەكەتتىك قىزمەتكە كىرۋ جانە ودان شىعۋ راسىمدەرىن جەڭىلدەتۋ بويىنشا جاڭا مىندەتتەر جۇكتەلدى. قازىرگى تاڭدا وسى ماسەلەلەر اياسىندا زاڭناماعا ءبىرقاتار وزگەرىستەر ەنگىزىلدى. سونىمەن، مەملەكەتتىك قىزمەتكە قابىلداۋ جانە قىزمەتتەن بوساتۋ كەزىندەگى اكىمشىلىك كەدەرگىلەردى جويۋ ماقساتىندا زاڭناماعا جوعارى وقۋ ورىندارىنىڭ ۇزدىك تۇلەكتەرىن اۋدان جانە اۋىلداعى تومەنگى لاۋازىمدارعا كونكۋرستىق ىرىكتەۋسىز تاعايىنداۋ، جوعارى لاۋازىمدارعا تىكەلەي تاعايىنداۋ، ۋاكىلەتتى ورگاننىڭ كەلىسىمىمەن «ب» كورپۋسى مەملەكەتتىك قىزمەتكەرلەرگە توقسان سايىن باعا بەرۋگە كوشۋ ماسەلەلەرى بويىنشا وزگەرىستەر ەنگىزىلدى»، - دەپ اتاپ ءوتتى ي.ۇيسىمبايەۆ.
كادرلىق ستراتەگيانىڭ تاعى ءبىر ماڭىزدى قۇرالى كادرلىق قۇجاتتامانى سيفرلاندىرۋ، «ە-قىزمەت» جۇيەسىن جاڭعىرتۋ ارقىلى مەملەكەتتىك قىزمەتتى سيفرلاندىرۋ بولدى.
سونىمەن قاتار، مەملەكەتتىك قىزمەتشىلەردىڭ فۋنكسيونالدىق مىندەتتەرىن ولاردىڭ تيىمدىلىگى مەن ماقساتتىلىعى تۇرعىسىنان زەردەلەۋ جۇمىستارى جۇرگىزىلدى. ناتيجەلەرى بويىنشا ۋاكىلەتتى ورگاندارعا ءتيىستى ۇسىنىمدار جىبەرىلدى، ولار اتالعان سالالارداعى جالپى تاسىلدەردى جاڭعىرتۋعا مۇمكىندىك بەرەدى.
ايتا كەتۋ كەرەك، الماتىدا مەملەكەتتىك قىزمەتتە 4 مىڭعا جۋىق ادام جۇمىس ىستەيدى. قالادا بۇرىنعىداي قىزمەتكەرلەردىڭ ورتاشا جاس شەگى - 35 جاس، سونداي-اق گەندەرلىك تەڭدىك قاعيداسى ساقتالادى. 2022 جىلى مەملەكەتتىك قىزمەتتەن كەتكەن قىزمەتكەرلەردىڭ پايىزى تومەندەدى، مەريتوكراتيا ينستيتۋتىنىڭ ايتارلىقتاي جاقساردى – تومەنگى پوزيسيالاردا قىزمەت ەتەتىندەردىڭ 46 پايىزى مانساپ ساتىسىندا جوعارى كوتەرىلدى.
بارلىق مەملەكەتتىك قىزمەتشىلەر مەملەكەتتىك باسقارۋ اكادەمياسىندا وقۋدان جانە قايتا دايارلاۋدان ءوتىپ، كاسىبي بىلىكتىلىگىن ارتتىرۋعا مۇمكىندىكتەرى بار.