كەنەلەردىڭ بەلسەندىلىك كەزەڭى ىستىق كۇننىڭ اسەرىنەن بولادى.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، الماتى قالاسىنىڭ باس مەملەكەتتىك سانيتارلىق دارىگەرى قاسىمحان الپىسباي ۇلى بايان ەتتى، دەپ حابارلايدى Almaty-akshamy.kz.
بۇل رەتتە ءبىر عانا ەنسەفاليتتىڭ زەرتحانالىق مالىمەتى تىركەلگەن.
اپتا سايىنعى مونيتورينگ دەرەكتەرى بويىنشا اعىمداعى جىلدىڭ ەپيدەميالىق ماۋسىمىنىڭ باسىنان بەرى قالانىڭ مەديسينالىق ۇيىمدارىنا كەنە شاققان 356 زارداپ شەگۋشى جۇگىنگەن، ونىڭ ىشىندە بالالار – 187 (52،5%)، (2022 جىلدىڭ سايكەس كەزەڭىمەن 563 ادام جۇگىنگەن، ونىڭ ىشىندە 310 (55%) بالا). كەنە شاعۋىنان زارداپ شەككەندەر سانى بىلتىرعىعا قاراعاندا 1،5 ەسەگە ازايعان. كەنە شاعۋىنان زارداپ شەككەندەردىڭ بارلىعىنا كەنەگە قارسى يممۋنوگلوبۋلين ەنگىزۋ ارقىلى جەدەل كومەك دەر كەزىندە كورسەتىلەدى دەپ كەلتىردى وكق سپيكەرى.
قاسىمحان الپىسباي ۇلىنىڭ ايتۋىنشا، كەنە ەنسەفاليتىنەن قورعانۋدىڭ ەڭ ءتيىمدى ءادىسى – كەنە ەنسەفاليتىنە قارسى ۆاكسيناسيا\ەكپە الۋ.
«قالادا ەكپەلەردى تۇرعىلىقتى جەرى بويىنشا (نەمەسە تىركەلگەن جەرى بويىنشا) قالالىق ەمحانالاردا دارىگەرمەن كەڭەسكەننەن كەيىن تەگىن الۋعا بولادى. ۆاكسيناسيا كۋرسى 1-7 اي ارالىعىندا جۇرگىزىلىپ، 2 ەكپە الۋدان تۇرادى. ۆاكسيناسيانى جىل بويى، سونىڭ ىشىندە ەپيدەميالىق ماۋسىمدا جۇرگىزۋگە بولادى. ءبىرىنشى جانە ەكىنشى ەگۋ اراسىنداعى ەڭ وڭتايلى ارالىق 5-7 اي (كۇز-قىس ايلارى).
ەپيدەميولوگيالىق ماۋسىمدا كەنە ەنسەفاليتىنىڭ وشاعىنا بارۋعا ەكىنشى ۆاكسيناسيادان كەيىن 2 اپتادان كەشىكتىرمەي رۇقسات ەتىلەدى»، - دەپ ءتۇسىندىردى سپيكەر.
ريەۆاكسيناسيا جىلىنا ءبىر رەت ۆاكسيناسيا كۋرسى اياقتالعاننان كەيىن جۇرگىزىلەدى. كەيىنگى ريەۆاكسيناسيا قاشىقتان ءۇش جىلدا ءبىر رەت جۇرگىزىلەدى. نۇسقاۋلارعا سايكەس، كەنە ەنسەفاليتىنە قارسى ۆاكسينا الۋ 3 جاستان اسقان بالالارعا جانە ەرەسەكتەرگە ۇسىنىلادى.
كەنە ەنسەفاليتىنە قارسى ۆاكسيناسيالاۋعا جاتاتىن كونتينگەنتتەرگە مىنالار جاتادى:
1) كەنە ەنسەفاليتى بويىنشا ەندەميكالىق مەكەندەيتىن اۋماقتار؛
2) وسى اۋماقتارعا كەلگەن جانە مىناداي جۇمىستاردى ورىنداعان ادامدار:
- اۋىل شارۋاشىلىعى، يرريگاسيا جانە قۇرعاتۋ، قۇرىلىس، ەكسپەديسيا، دەراتيزاسيا جانە زيانكەستەرمەن كۇرەس؛
- اعاش كەسۋ، ورمانداردى تازارتۋ جانە كوگالداندىرۋ، اباتتاندىرۋ جانە حالىقتىڭ دەمالىس ايماقتارى بويىنشا.
3) دەمالىس، تۋريزم، ساياجايلاردا جانە باقشا ۋچاسكەلەرىندە جۇمىس ىستەۋ ماقساتىندا كەنە ەنسەفاليتى بويىنشا ەندەميالىق اۋماقتارعا باراتىن ادامدار؛
4) كەنە ەنسەفاليتىنىڭ قوزدىرعىشتارىمەن جۇمىس ىستەيتىن ادامدار.