قۇلاعان تاستاردىڭ زاردابىن جويۋ بويىنشا جۇرگىزىلگەن جۇمىستارعا قاتىستى «مەدەۋ-شىمبۇلاق» اۆتوجولىمەن ءوتۋدىڭ رەجيمى بەلگىلەندى، دەپ حابارلايدى Almaty-akshamy.kz
2023 جىلدىڭ 1 قاراشاسىندا اسپالى جول ىسكە قوسىلعانعا دەيىن ەلەكتروموبيلدەر مەن تاكسي جۇرگىزۋشىلەرى كىرە الادى، سونداي-اق جاياۋ جۇرگىنشىلەر ءۇشىن كەلەسى ساعاتتاردا كىرۋ قولجەتىمدى بولادى: 09.00-گە دەيىن، 12.00-دەن 14.30-عا دەيىن جانە 18.00-دەن كەيىن.
اسپالى جول ىسكە قوسىلعاننان كەيىن (1 قاراشادان باستاپ) ەلەكتر كولىكتەرى مەن تاكسي جۇرگىزۋشىلەرىنە ساعات 09.00-گە دەيىن جانە ساعات 18.00-دەن كەيىن كىرۋگە رۇقسات ەتىلەدى. 13.00-دەن 14.00-گە دەيىنگى كەزەڭدە تەحنيكالىق قىزمەتتەردىڭ ارنايى كولىگى ءۇشىن تەك كىرۋگە رۇقسات ەتىلەدى. سونىمەن قاتار، ستۋدەنتتىك سوقپاق ارقىلى جاياۋ سەرۋەندەۋگە بولادى. قوزعالىستى شەكتەۋدىڭ بەلگىلەنگەن كەستەسى اعىمداعى جىلدىڭ 1 جەلتوقسانىنا دەيىن جالعاسادى. ونىڭ وزگەرگەنى تۋرالى قوسىمشا حابارلانادى.
ەسكە سالساق، اعىمداعى جىلدىڭ 25 قازانىنان باستاپ «مەدەۋ-شىمبۇلاق» جولىنداعى قۇلاعان تاستارعا قاتىستى جۇمىستار باستالعان ەدى. قازىرگى ۋاقىتتا اۆتوكولىك پەن جاياۋ جۇرگىنشىلەردىڭ قوزعالىسى شەكتەۋلى.
جوبا اياسىندا قۇلاعان تاستاردى تومەن ءتۇسىرۋ جانە بارەرلەردى (كەدەرگىلەردى) تازارتۋ جۇمىستارى جۇرگىزىلۋدە. جۇمىستىڭ نەگىزگى تۇرلەرى (بەتكەيلەردى بۇرعىلاۋ جانە نىعايتۋ) كەلەسى جىلعا جوسپارلانعان. بۇدان باسقا، 2024 جىلدىڭ كوكتەمىندە نوسەر جۇيەسىن سالۋ جانە جول توسەمىن جوندەۋ جۇمىستارىن جۇرگىزۋ جوسپارلانۋدا.