اياگۇل ميرازوۆانىڭ اتىنداعى I رەسپۋبليكالىق ماتەماتيكا وليمپياداسىنىڭ جەڭىمپازدارى بەلگىلى بولدى
كەشە الماتى قالاسىنداعى وقۋشىلار سارايىندا ا. ميرازوۆا اتىنداعى العاشقى ماتەماتيكا وليمپياداسىنىڭ جۇلدەگەرلەرىن ماراپاتتاۋ ءراسىمى ءوتتى. 23-27 ءساۋىر ارالىعىندا وتكەن جارىسقا قازاقستاننىڭ بارلىق وڭىرلەرىنەن 8-9 سىنىپتىڭ 250-دەن استام وقۋشىسى قاتىستى. ماتەماتيكادان ۇزدىكتەردى انىقتاۋ تارتىسى مەگاپوليستىڭ الاتاۋ اۋدانىنداعى №178 مامانداندىرىلعان ليسەي قابىرعاسىندا ءوتتى.
وليمپيادا كۇندەرى قاتىسۋشىلار ءۇشىن سپورتتىق ويىندار، پسيحولوگيالىق ترەنينگتەر ۇيىمداستىرىلىپ، كوك-توبە مادەنيەت جانە دەمالىس ساياباعىنا، الماتى حايۋاناتتار باعىنا جانە ق ر ورتالىق مەملەكەتتىك مۋزەيىنە ەكسكۋرسيالار وتكىزىلدى.
وليمپيادانى ۇيىمداستىرۋشىلار – الماتى قالاسى ءبىلىم باسقارماسى، ق ر وقۋ-اعارتۋ مينيسترلىگىنە قاراستى «دارىن» رەسپۋبليكالىق عىلىمي-پراكتيكالىق ورتالىعى، الماتى قالاسى ءبىلىم باسقارماسىنىڭ «الماتى دارىنى» دارىندى بالالار مەن تالانتتى جاستاردى انىقتاۋ جانە قولداۋ، سونداي-اق كامەلەتكە تولماعان بالالاردىڭ قۇقىقتارى مەن مۇددەلەرىن قورعاۋ ورتالىعى وليمپيادانى جوعارى دەڭگەيدە وتكىزۋگە مۇقيات دايىندالدى. اشىقتىق پەن اكادەميالىق ادالدىقتى ساقتاۋ ماقساتىندا وليمپيادا بارىسى ونلاين باقىلاۋعا ارنالعان بەينەباقىلاۋ جۇيەسىمەن قامتىلدى. وليمپيادانىڭ ءوتۋ بارىسىن تاجىريبەلى قازىلار القاسى، اتا-انالار كوميتەتىنىڭ وكىلدەرى مەن جۋرناليستەر باقىلادى. وليمپيادا اياقتالعاننان كەيىن قاتىسۋشىلاردىڭ حاتتامالارى، تاپسىرمالار جانە شەشىمدەرى ۇيىمداستىرۋشىنىڭ almaty.daryny.kz – رەسمي سايتىندا جاريالاندى.
قازىلار القاسىنىڭ شەشىمى بويىنشا جەڭىمپازدار مەن جۇلدەگەرلەر «دارىن» رەسپۋبليكالىق عىلىمي-پراكتيكالىق ورتالىعى مەن الماتى قالاسى ءبىلىم باسقارماسىنىڭ I، II جانە III دارەجەلى ديپلومدارىمەن جانە اياگۇل تورەيەۆا اتىنان بەرىلگەن اقشالاي سەرتيفيكاتتارمەن ماراپاتتالدى. ءبىرىنشى ورىندى جەڭىپ العان بەس وقۋشى ياندەكس ستانسيا ماكس كولونكالارىن، مەدالدار جانە 150 000 تەڭگەلىك سەرتيفيكاتتارعا يە بولدى. ەكىنشى ورىن العان تاعى بەس وقۋشى Samsung Galaxy A15 سمارتفوندارىن، مەدالدار جانە 100 000 تەڭگەلىك سەرتيفيكاتتاردى الدى. ءۇشىنشى ورىن العان جەتى وقۋشى Xiaomi Redmi 14 سمارتفوندارىمەن، مەدالدار جانە 50 000 تەڭگەلىك سەرتيفيكاتتارمەن ماراپاتتالدى. بۇدان بولەك، ەرەكشە جەتىستىكتەر كورسەتكەن 10 وقۋشى ارنايى گراموتالار مەن ءپورتاتيۆتى پروەكتورلارعا يە بولدى.
سونىمەن، اياگۇل ميرازوۆا اتىنداعى العاشقى ماتەماتيكا وليمپياداسىنىڭ جەڭىمپازدارى مەن جۇلدەگەرلەرى:
I ورىن
ەريك ليم (رفمم)، نۇرتاي مالىك (اقتوبە)، الەكساندر ولەينيكوۆ (الماتى)، انۋار اعىبايەۆ (الماتى)، ايسۇلتان ومار (الماتى)؛
II ورىن
ءابىلمانسۇر حاكيمعالي (رفمم)، بەكسۇلتان ماۋلىتبەك (الماتى)، ارنات ەرنار (اقتوبە وبلىسى)، ءامىرحان قۇدايبەرگەنوۆ (الماتى)، يسلامبەك بارلىق (اقتوبە وبلىسى)؛
III ورىن
نۇرداۋلەت ءومىرقوجا (رفمم)، تەمىر ورازبەك (رفمم)، راسۇل جاكەشيەۆ (نيش)، مەدەۋ جۇباتۇروۆ (ماڭعىستاۋ وبلىسى)، ەرقانات وڭال (قاراعاندى وبلىسى)، دەنيس كيم (رفمم)، بازارالى ابدۋللا (شىمكەنت).
ارنايى گراموتالار يەگەرلەرى:
احمەت بەردىمۋرات (اقتوبە)، ابزال كۇنعوجين (رفمم)، ايزەرە بيسەنوۆا (رفمم)، ءالمانسۇر كۇشەبين (قاراعاندى وبلىسى)، بەكجان مولدابەكوۆ (استانا)، ابدۋراحمان ايدايبەك (جامبىل وبلىسى)، ءالي مارات (اتىراۋ وبلىسى)، انۆار كامالەيەۆ (رفمم)، بەكسان التاي (رفمم)، ەراسىل ماعاۋيا (الماتى).
الماتى قالاسى اكىمىنىڭ ورىنباسارى اسەم ءنۇسىپوۆا رەسپۋبليكالىق ماتەماتيكا وليمپياداسىنىڭ ءساتتى وتۋىنە ۇلەس قوسقان ۇستازدارعا ءوز اتىنان العىس حاتتار تابىستادى.
اسەم ءنۇسىپوۆا ءوز سوزىندە بىلاي دەدى:
«وليمپيادانىڭ باستى ماقساتى – دارىندى بالالاردى قولداۋ جانە ولاردىڭ نەگىزگى پاندەرگە دەگەن قىزىعۋشىلىعىن ارتتىرۋ. بۇل ارقىلى ولاردى ينتەللەكتۋالدىق دامۋ جولىنا باعىتتايمىز جانە بولاشاقتا العان بىلىمدەرىن ەل مەن قالا يگىلىگىنە قولدانۋىنا مۇمكىندىك بەرەمىز. الدا بالالار ءۇشىن ءتۇرلى تۋرنيرلەر مەن بايقاۋلار، سونىڭ ىشىندە 1 ماۋسىم – بالالاردى قورعاۋ كۇنىنە وراي قورىتىندىلارى شىعارىلاتىن «Bala Fest» فەستيۆالى كۇتىپ تۇر. اكىمدىك تاراپىنان كورسەتىلىپ جاتقان قولداۋ بالالاردىڭ بىلىمگە دەگەن ىنتاسىن ارتتىرا تۇسەدى».
ءوز كەزەگىندە «الماتى دارىنى» ورتالىعىنىڭ ديرەكتورى گۋلنۋر كاريمگاجى ءوز اسەرىمەن ءبولىستى:
«ءبىز وسىنداي اۋقىمدى ءارى ماڭىزدى شارانى ۇيىمداستىرا العانىمىزدى ماقتان تۇتامىز. بۇل وليمپيادا – كورنەكتى پەداگوگقا كورسەتىلگەن قۇرمەت ءارى وقۋشىلاردى ۇلكەن جەتىستىكتەرگە ۇمتىلىسىنىڭ قۋاتتى قۇرالى. ءاربىر قاتىسۋشى، ناتيجەسىنە قاراماستان، ءوزىنىڭ بولاشاق تابىسىنا قاراي ماڭىزدى قادام جاسادى دەپ سەنەمىز. جاس تالانتتاردى قولداۋ ارقىلى ءبىز قوعامىمىزدىڭ جانە ەلىمىزدىڭ گۇلدەنۋىنىڭ بەرىك ىرگەتاسىن قالايمىز»
ايتا كەتۋ كەرەك، قازاقستاننىڭ العاشقى ەڭبەك ەرى – اياگۇل ميرازوۆا كوپتەگەن مارتەبەلى ماراپاتتاردىڭ يەگەرى. ولاردىڭ قاتارىندا – «التىن جۇلدىز» جانە «وتان» وردەندەرى بار. اياگۇل تورەيەۆا – قازاقستاننىڭ ەڭبەك سىڭىرگەن قايراتكەرى، پەداگوگيكالىق عىلىمدار اكادەمياسىنىڭ جانە ۇلتتىق قۇندىلىقتار اكادەمياسىنىڭ اكادەميگى، سەمەي گۋمانيتارلىق ۋنيۆەرسيتەتىنىڭ جانە اباي اتىنداعى قازاق ۇلتتىق ۋنيۆەرسيتەتىنىڭ پروفەسسورى، الماتى قالاسىنىڭ، جامبىل وبلىسىنىڭ جانە جۋالى اۋدانىنىڭ قۇرمەتتى ازاماتى. اياگۇل ميرازوۆا 7، 8 جانە 9 سىنىپتارعا ارنالعان وقۋلىقتاردىڭ اۆتورى. جاقىندا، 24 ءساۋىر كۇنى ى. التىنسارين اتىنداعى №159 گيمنازياسىندا ۇلى پەداگوگتىڭ اتىمەن اتالعان ماتەماتيكا كابينەتى سالتاناتتى تۇردە اشىلدى. وتباسىمىزدىڭ وتاندىق ءبىلىم بەرۋ سالاسىنا قوسقان ولشەۋسىز ۇلەسى جانە وسكەلەڭ ۇرپاقتى تاربيەلەۋدەگى ەڭبەگى ۇيىمداستىرۋشىلاردى وسىنداي ماڭىزدى رەسپۋبليكالىق وليمپيادانى وتكىزۋگە جانە وعان اياگۇل تورەيەۆا اتىن بەرۋگە شابىتتاندىردى.