الماتى پوليسياسى قوعامدا قۇقىق بۇزۋشىلىققا “مۇلدەم توزبەۋشىلىكتى” قالىپتاستىرۋعا ەرەكشە كوڭىل بولۋدە.
نولدىك توزىمدىلىك – ۇساق بۇزاقىلىق، تىنىشتىقتى بۇزۋ جانە باسقا دا ۇساق قۇقىق بۇزۋشىلىقتارعا تەرىس رەاكسيا. ءاربىر ادام ازاماتتاردىڭ قۇقىعىن قۇرمەتتەپ، قوعامدىق تىنىشتىقتى بۇزباي، ءوز مادەنيەتىن كورسەتۋى كەرەك. بۇگىنگى كۇنى كوشەدەگى قىلمىستىڭ الدىن الۋدىڭ نەگىزگى تۇتقاسى – اكىمشىلىك قۇقىق بۇزۋشىلىقتاردىڭ دەر كەزىندە جولىن كەسۋ، سونداي-اق ولاردىڭ جاسالۋىنا مۇلدەم توزبەۋشىلىك تانىتۋ، دەپ حابارلايدى Almaty-akshamy.kz Polisia.kz-كە سىلتەمە جاساپ.
سونداي-اق ۇساق قۇقىق بۇزۋشىلىقتاردىڭ جولىن كەسۋدە قالاداعى زاڭدىلىق پەن قۇقىقتىق ءتارتىپتىڭ جاي-كۇيىنە بەي-جاي قارامايتىن ازاماتتىق قوعامداستىققا ەرەكشە ءرول جۇكتەلگەنىن ايتا كەتكەن ءجون. جەرگىلىكتى پوليسيا قىزمەتىنىڭ حابارلاۋىنشا، جىل باسىنان بەرى بۇرىن سوتتالعانداردىڭ جاساعان قىلمىستارى 3 ەسەگە، سونداي-اق ماس كۇيىندە جاسالعان قىلمىستار 38%-عا ازايعان.
سونىمەن قاتار وتباسى-تۇرمىستىق قاتىناستار سالاسىنداعى قۇقىق بۇزۋشىلىقتاردى، ۇساق بۇزاقىلىقتاردى، الكوگولدىك ىشىمدىكتەردى ءىشۋ، قوعامدىق ورىنداردا تەمەكى شەگۋ جانە ازاماتتاردىڭ مازاسىن الۋ دەرەكتەرىن اشۋ جاقساردى.