ءىىم جول جۇرىسىنە قاتىسۋشىلارعا ۇندەۋ جاسادى

ىشكى ىستەر مينيسترلىگى جول جۇرىسىنە قاتىسۋشىلارعا ۇندەۋ جاسادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«قۇرمەتتى جول جۇرىسىنە قاتىسۋشىلار! جول ەرەجەسىن ساقتاۋدىڭ ماڭىزدى ەكەنىن ەستەرىڭىزگە سالامىن. ازاماتتاردىڭ جولداعى قاۋىپسىزدىگى – ءبىزدىڭ باستى مىندەتىمىز. اپات سالدارى تەك ماتەريالدىق ەمەس، ادام شىعىنىنا دا الىپ كەلەدى. بۇل ماسەلەگە جاۋاپكەرشىلىكپەن سانالى تۇردە قارايتىن بولساق، قايعىلى جاعدايلاردىڭ الدىن الۋعا بولادى. جۇرگىزۋشىلەر قاۋىپسىزدىكتى قامتاماسىز ەتۋدە ەرەكشە ءرول اتقارادى. كوپ نارسە ولاردىڭ قىراعىلىعىنا، تارتىبىنە جانە جول ەرەجەلەرىن ساقتاۋىنا بايلانىستى»، – دەدى ءىىم اپك ەرەكشە تاپسىرمالار جونىندەگى اعا ينسپەكتورى اقتوتى بورانوۆا.

ۆەدومستۆودا جۇرگىزۋشىلەردەن كەلەسى جاعدايلارعا ەرەكشە نازار اۋدارۋدى سۇرادى:

– جىلدامدىق رەجيمىن ساقتاپ، جولداعى جاعدايدى ەسكەرىڭىز؛

– جول قوزعالىسىنىڭ باسقا قاتىسۋشىلارىنا، جاياۋ جۇرگىنشىلەرگە، اسىرەسە بالالار مەن قارتتارعا مۇقيات بولىڭىز؛

– جولداعى ارەكەتتەرىڭىز تۋرالى ەسكەرتۋ ءۇشىن بۇرىلىس سيگنالدارىن پايدالانىڭىز؛

– ءقاۋىپتى جاعدايلاردى بولدىرماۋ ءۇشىن ارا-قاشىقتىقتى ساقتاڭىز؛

– كولىكتى باسقارۋ كەزىندە تەلەفون نەمەسە باسقا دا دۇنيەلەرگە نازار اۋدارماڭىز؛

– اۆتوكولىك ىشىندە بالالاردىڭ قاۋىپسىزدىگىنە ەرەكشە نازار اۋدارىڭىز، ولاردى ۇستاۋ قۇرىلعىلارىن پايدالانىڭىز؛

– بىرلەسىپ قانا ءبىز جولداردى ءقاۋىپسىز ەتە الامىز. ءسىزدىڭ جاۋاپتىلىعىڭىز وزگە بىرەۋدىڭ ءومىرىن قۇتقارۋعا سەپتىگىن تيگىزۋى مۇمكىن ەكەنىن ۇمىتپاڭىز. وزىڭىزگە جانە جاقىندارىڭىزعا اباي بولىڭىز! – دەدى اقتوتى بورانوۆا.