سوت الاياقتاردى ءتۇرلى مەرزىمگە سوتتادى.
ەكى الاياق مارقۇم بولعان الماتىلىقتىڭ بانك شوتىنان ءبىر ميلليارد تەڭگە ۇرلاماق بولعان، دەپ حابارلايدى Almaty-akshamy.kz قالالىق پروكۋراتۋراعا سىلتەمە جاساپ.
ۆەدومستۆو مالىمەتىنشە، ەر ادام مەن ايەل مارقۇم الماتىلىق تۇرعىننىڭ قارىزى بار دەپ سوتقا ارىزدانعان. ولار جالعان قۇجات جاساپ، سوتتا جەڭىسكە جەتكەن. وسىدان كەيىن جەكە سوت ورىنداۋشىسى سوت شەشىمى نەگىزىندە ءوز ەسەپشوتىنا مارقۇمنىڭ بانك شوتىندا ساقتالعان 1 ميلليارد تەڭگەنى اۋدارعان. قاراجات كەيىننەن ءوندىرىپ الۋشىلارعا اۋدارىلۋى ءتيىس بولعان.
«الايدا مارقۇمنىڭ ايەلى دەر كەزىندە الاياقتاردىڭ قىلمىستىق ارەكەتتەرىنىڭ جولىن كەستى. ول قۇقىق قورعاۋ ورگاندارىنا جۇگىنگەن، سول ارقىلى كىنالىلەر قىلمىستىق ارەكەتتەرىن اياقتاي المادى. سوتالدى تەرگەپ-تەكسەرۋ بارىسىندا جانە سوتتا مارقۇمنىڭ ءىس جۇزىندە ەشكىمنىڭ الدىندا ەشقانداي قارىزى بولماعانى انىقتالدى»، - دەدى پروكۋرورلار.
سوت الاياقتاردى ءتۇرلى مەرزىمگە سوتتادى. اپەللياسيالىق سوت زاڭدى كۇشىنە ەنگەن ۇكىمدى وزگەرىسسىز قالدىردى.