الداعى جىلىتۋ ماۋسىمىنا دايىندىق اياسىندا الماتىنىڭ بوستاندىق اۋدانىندا 1973 جىلى پايدالانۋعا بەرىلگەن 1،5 شاقىرىمعا جۋىق جىلۋ تراسساسى اۋىستىرىلادى.
وسىعان بايلانىستى 2025 جىلى 3 شىلدە مەن 25 تامىز ارالىعىندا الماتىنىڭ بوستاندىق اۋدانىندا ماركوۆ كوشەسىنىڭ بويىمەن – بۇقار جىراۋ بۋلۆارىنان «زايكا» بالاباقشاسىنا دەيىنگى بولىگىندە اۆتوكولىك قوزعالىسى ەكى باعىتتا دا توقتاتىلادى.
كورشىلەس تۇرعىن ۇيلەردىڭ اۋلالارىنا اۆتوكولىك پەن جەدەل قىزمەتتەر ريمسكيي-كورساكوۆ كوشەسى ارقىلى – بۇقار جىراۋ بۋلۆارىنان №3 تۇرعىن ءۇي جاقتاعى كىرەبەرىسكە دەيىن قاتىناي الادى.
بۇل ۋاقىتشا شەكتەۋلەر كوشە بويىنداعى جول جيەگىنىڭ استىمەن وتەتىن ماگيسترالدىق قۇبىر جەلىسىنىڭ جوسپارلى قايتا قۇرۋ جۇمىستارىن ءقاۋىپسىز جۇزەگە اسىرۋ ءۇشىن ەنگىزىلەدى.
جاڭعىرتۋ جۇمىستارى جۇرگىزىلىپ جاتقان كەزەڭدە تۇتىنۋشىلارعا ىستىق سۋ بەرۋ توقتاتىلمايدى.
اتالعان جىلۋ تراسساسى 16 كوپپاتەرلى تۇرعىن ءۇي مەن تاعى 7 نىساندى جىلۋمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ جەلىسىن جاڭارتۋ جوسپارلانعان. بۇل توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ەستەرىڭىزگە سالا كەتەيىك، كولىك قوزعالىسىن شەكتەۋ تۋرالى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق. «2GIS» جانە «ياندەكس كارتالار» سەرۆيستەرىندە جاريالانعان.