الماتىدا ماماندار پورنوگرافيالىق مازمۇنداعى سايتتاردى بۇعاتتادى

100-دەن استام سايتتى انىقتاپ، بۇعاتتاۋ شارالارىن ىسكە اسىردى. 

الماتى قالالىق پروكۋراتۋراسى كامەلەتكە تولماعانداردىڭ قۇقىقتارىن قورعاۋ جانە زاڭبۇزۋشىلىقتاردىڭ الدىن الۋ بويىنشا ءتيىمدى شارالار ازىرلەي وتىرىپ، ماسەلەگە ەگجەي-تەگجەيلى تالداۋ جۇرگىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

پروكۋراتۋرانىڭ مالىمەتىنشە، سوڭعى كەزدەرى بالالاردى قورلاۋ مەن ولاردىڭ مۇددەلەرىنە قارسى زاڭسىز ارەكەتتەر كوبەيگەن. سونداي-اق، قالالىق پروكۋراتۋرا بالالاردىڭ تىيىم سالىنعان ينتەرنەت سايتتارعا ەركىن كىرۋى - قورلاۋ مەن سەكسۋالدىق ارەكەتتەردىڭ تارالۋىنا ىقپال ەتەتىن تريگگەرلەردىڭ ءبىرى ەكەنىن انىقتادى. ولار جىنىستىق زورلىق-زومبىلىقتى، قاتىگەزدىكتى، جىنىستىق بەلسەندىلىكتى ەرتە جاستان ناسيحاتتايدى. 

«اعىمداعى جىلدىڭ وزىندە پروكۋرورلار 100-دەن استام پورنوگرافيالىق مازمۇنداعى سايتتى انىقتاپ، بۇعاتتاۋ شارالارىن ىسكە اسىردى. ءقازىر بۇل جۇمىس بەلسەندى تۇردە جالعاسىپ جاتىر. بۇل جۇمىستى كۇشەيتۋ ءۇشىن ۋاكىلەتتى ورگاندارعا پروكۋرورلىق قاداعالاۋ اكتىسى ەنگىزىلدى»، - دەلىنەدى پروكۋراتۋرانىڭ حابارلاماسىندا. 

وسى ورايدا، الماتى قالالىق پروكۋراتۋراسى اتا-انالاردى بالالارىنىڭ ۆيرتۋالدى ءومىرىن ۇنەمى قاداعالاپ، مىنەز-قۇلقىنا نازار اۋدارۋعا شاقىردى. 

ايتا كەتسەك، بيىل اقتوبەدە بالالارعا قاتىستى 11 سەكسۋالدىق زورلىق-زومبىلىق دەرەگى تىركەلدى.