الماتى ءماسليحاتى اعىمداعى جىلدىڭ تامىز ايىنان باستاپ الماتى قالاسى مادەنيەت باسقارماسىنىڭ ۇيىمدارى مەن كاسىپورىندارى ( حايۋاناتتار باعى، سيرك، قۋىرشاق تەاترى، «الاتاۋ» ءداستۇرلى ونەر تەاترى، مەملەكەتتىك مۇراعات، كىتاپحانا، مۋزەيلەر بىرلەستىگى، «الماتى اۋەندەرى») .قىزمەتكەرلەرىنىڭ جالاقىسىن 30%-عا ۇلعايتۋ تۋرالى شەشىم قابىلدادى، دەپ حابارلايدى almaty-akshamy.kz
قازىرگى ۋاقىتتا مادەنيەت سالاسى قىزمەتكەرلەرى جالاقىسىنىڭ ورتاشا دەڭگەيى 138 مىڭ تەڭگەنى قۇرايدى.
الماتى مادەنيەت باسقارماسىنىڭ حابارلاۋىنشا، جالاقىعا بايلانىستى جاس ماماندار جۇمىستان ءجيى كەتەدى جانە بۇل ءوز كەزەگىندە جاس بىلىكتى كادرلاردى تاربيەلەۋدى قيىنداتادى.
سوندىقتان الماتى قالاسى مادەنيەت باسقارماسىنىڭ ۇيىمدارى، كاسىپورىندارى قىزمەتكەرلەرىنىڭ لاۋازىمدىق جالاقىلارىنا ىنتالاندىرۋشى ۇستەمەاقىلار بەلگىلەۋ ماسەلەسى الماتى قالاسى ءماسليحاتىنىڭ قاراۋىنا ۇسىنىلدى.