الماتىدا قالا اكىمىنىڭ ورىنباسارى الماسحان سماتلايەۆتىڭ توراعالىعىمەن توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ وتىرىسى ءوتتى.
جيىندا حالىقتىڭ قاۋىپسىزدىگىن قامتاماسىز ەتۋ جانە كۇزگى-قىسقى ماۋسىمدا قالانىڭ تۇراقتى جۇمىسىن ساقتاۋ ماسەلەلەرىنە ەرەكشە نازار اۋدارىلدى.
الماسحان سماتلايەۆ وزگەرمەلى كليمات جاعدايىندا قاۋىپ-قاتەردى ۋاقىتىلى انىقتاپ، ونى ازايتۋدىڭ ماڭىزدىلىعىن اتاپ ءوتىپ، ازاماتتىق قورعاۋ قىزمەتتەرى مەن مەملەكەتتىك ورگانداردىڭ ءوزارا ءىس-قيمىلىنىڭ ايقىن بولۋى قاجەتتىگىن جەتكىزدى.
الماتى قالاسى تجد باستىعىنىڭ ۋاقىتشا مىندەتىن اتقارۋشى دامير ەرماعامبەتوۆ قىسقى كەزەڭگە دايىندىق، سۋ تاسقىنى مەن كوشكىن ءقاۋپىنىڭ الدىن الۋ شارالارى، شومىلۋ ماۋسىمىنىڭ قورىتىندىلارى، ءورت قاۋىپسىزدىگى، جالپىقالالىق سەيسميكالىق دايىندىق، سونداي-اق ۋلى زاتتار ساقتالاتىن نىساندارداعى قاۋىپسىزدىك ماسەلەسى تۋرالى باياندادى.
وتىرىس سوڭىندا مەملەكەتتىك ورگاندارعا قالا تۇرعىندارىن تابيعي جانە تەحنوگەندىك سيپاتتاعى توتەنشە جاعدايلاردان قورعاۋ شارالارىن كۇشەيتۋ جونىندە ناقتى تاپسىرما بەرىلدى.