الماتىدا شەتەل ازاماتتارىنىڭ جاپپاي كەلۋ لەگىن ەسكەرە وتىرىپ، كۇشەيتىلگەن حقو قىزمەتىن باسقا عيماراتقا كوشىرۋ جونىندە شەشىم قابىلداندى.
بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى قالاسى فيليالى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەندى شەتەلدەن كەلگەن قىزمەت الۋشىلار «قازاقستان رەسپۋبليكاسىندا ۋاقىتشا بولاتىن شەتەلدىكتەرگە جەكە سايكەستەندىرۋ نومىرلەرىن قالىپتاستىرۋ» مەملەكەتتىك قىزمەتى بويىنشا الماتى قالاسى، جەتىسۋ اۋدانى، «قۇلاگەر» شاعىناۋدانى، قازىبايەۆ كوشەسى، 286ۆ، «قۇلاگەر» دەنەشىنىقتىرۋ-ساۋىقتىرۋ ورتالىعى عيماراتىنا كەلۋگە بولادى»، - دەلىنگەن حابارلامادا.
وتىنىشتەر جۇمىس كۇندەرى ساعات 09:00-دەن 20:00-گە دەيىن قابىلدانادى.
ەسكە سالساق، الماتى قالاسىنا كەلىپ جاتقان شەتەلدىك ازاماتتاردىڭ مەملەكەتتىك قىزمەت الۋ سۇرانىسىنا وراي، كۇشەيتىلگەن قىزمەت كورسەتۋ ورتالىعى ۇيىمداستىرىلعان بولاتىن.