20 جاستاعى جىگىت قارت ايەلدى توناپ كەتتى
بۇل وقيعا تاڭەرتەڭ ماركوۆ پەن تيميريازيەۆ كوشەلەرىنىڭ قيىلىسىندا ورىن العان. و.ەسىمدى ازامات كۇش قولدانىپ، ءوتىپ بارا جاتقان ادامنىڭ جەكە مۇلكىن ۇرلاپ كەتكەن، دەپ حابارلايدى Almaty-akshamy.kz
«ماس جىگىتتە قىلمىستىق جوسپار بىردەن پايدا بولدى. ونىڭ ارەكەتىن ەشكىم باقىلاپ تۇرماعانىنا كوز جەتكىزىپ، جابىرلەنۋشىنىڭ جانىنا جۇگىرىپ كەلىپ، يىعىنا سوققى جاساعان. ايەل قۇلاعان كەزدە ونى ءارى قاراي ۇرىپ-سوعىپ، ودان كەيىن قولىنان اقشاسى مەن ۇيالى تەلەفونى سالىنعان سومكەسىن جۇلىپ الىپ، قاشىپ كەتكەن. جابىرلەنۋشى بىردەن پوليسياعا جۇگىندى، بۇل دۇرىس شەشىم بولدى. جۇرگىزىلگەن جەدەل ىزدەستىرۋ ءىس-شارالارىنىڭ بارىسىندا كۇدىكتى سول كۇنى قاماۋعا الىندى. ول ۇرلىق جاساعانىن مويىندادى. قازىرگى ۋاقىتتا ۇستالعان ازاماتتىڭ جالپى الماتى قالاسىندا بۇرىن جاسالعان وسىعان ۇقساس قىلمىستارعا قاتىسى بار-جوعى تەكسەرىلۋدە. قىلمىستىق ءىس ق ر قك-نىڭ 191-بابى 2ء-بولىمىنىڭ 1-تارماعى بويىنشا تەرگەلۋدە»، – دەدى بوستاندىق اۋداندىق پب جانىنداعى پوليسيا ءبولىمىنىڭ باستىعى عالىم قاسىمبايەۆ.